Dullstroom Country Cottages

Selfsorg

Soos Gesien op Facebook
Kapasiteit: 38 mense
Inkloktyd: 14:00 tot 20:00
Uitkloktyd: 10:00
Adres: Langs die R540, Harmony Plaas, Dullstroom, 1110, Mpumalanga
Alle ouderdomme is welkom
Vanaf R1 200 per nag (plek vir 2)

Beskrywing

Dullstroom Country Cottages bied selfsorgkothuise op 'n plaas sowat 8,5 km van Dullstroom af. Dit is tussen heuwels en eikebome wat dit die ideale basis maak om die platteland te verken.

Verblyf word in bekoorlike kothuis en houthuise vir tussen 2 en 8 gaste gebied. Elke eenheid het slaapkamers met gerieflike beddens en ’n badkamer met ’n bad en stort. Elke eenheid het ook ’n privaat kombuis wat met ’n stoof, oond, mikrogolfoond, yskas en tee- en koffiemaakgeriewe toegerus is. Daar is knus leefareas met kaggels.

Die Mustard Seed-kothuis, Peppercorn-kothuis en Hatch End is troeteldiervriendelik en die verblyf is omhein vir honde se veiligheid. Troeteldiere is welkom teen ’n ekstra koste. Ongelukkig is troeteldiere nie welkom by die Wittebroodsuite, Crofts, Picinic-kothuis of Bhembe nie.

Gaste kan op die plaas stap, draf of fietsry of net op hulle privaat stoep sit en voëlkyk. Daar is ook verskeie idilliese piekniekareas, so bring 'n mat en mandjie om die dag onder die eikebome deur te bring. Die plaas het ’n groot dam waarin gaste kan visvang en daar is verskillende visvangpakkette op versoek beskikbaar. Gaste is welkom om hul eie visvanggereedskap saam te bring.

Dullstroom het verskeie winkels en restaurante en ’n wye reeks aktiwiteite, soos visvang en voetslaanroetes. Gaste kan die Dullstroom Natuurreservaat, Steenkampsberg Natuurreservaat en die Verloren Vallei Natuurreservaat besoek.

Kry ’n Kwotasie