Dune Side Retreat

Selfsorg

Soos Gesien op Facebook
Kapasiteit: 6 persone
Inkloktyd: 15:00 tot 18:00
Uitkloktyd: 09:00
Adres: Die Duin 9, Roland Kraynauw-straat, Wildernis, 6560, Wes-Kaap
Alle ouderdomme is welkom
Vanaf R2 475 per nag (plek vir 6)

Beskrywing

Dune Side Retreat bied smaakvolle en luukse verblyf in ’n selfsorgwoonstel met ’n asemrowende uitsig oor die Indiese Oseaan op Wildernis se ongerepte strand. Die woonstel is reg op die strand en het ’n privaat balkon waar gaste skemerkelkies kan geniet, met die asemrowende Afrika-sonsondergang in die agtergrond.

Die Dune Side Retreat bied slaapplek aan 6 gaste en beskik oor 3 slaapkamers, 3 badkamers en ’n oopplan-kombuis, -eetarea en -leefarea. Die eerste slaapkamer het ’n koningingrootte-bed, ’n en suite-badkamer met ’n bad, stort, toilet en ’n wasbak, en 'n balkon. Die tweede slaapkamer het 2 driekwartbeddens en ’n en suite-badkamer met ’n stort, toilet en ’n wasbak. Die derde slaapkamer het 2 enkelbeddens en lei na die balkon. Gaste in dié slaapkamer maak van ’n aparte badkamer met ’n bad, stort, toilet en ’n wasbak gebruik. Linne en badhanddoeke word voorsien.

Die kombuis is met ’n yskas-vrieskas, stoof, oond, mikrogolfoond, ketel en ’n broodrooster toegerus. Daar is ook ’n skottelgoedwasser, wasmasjien-tuimeldroër en ’n toonbank met stoeltjies. Die eetarea het ’n etenstafel vir 6, en die sitarea het ’n slim-TV met DStv. Daar is WiFi oral in die huis. Die leefarea lei na ’n balkon met ’n buite-etenstafel en -sonstoele, ’n uitsig oor die see, en gasbraaigeriewe.

Die eenheid is in 'n sentrale deel van Wildernis geleë. Dit is net 20 minute se ry van George Lughawe en 1 uur se ry van Plettenbergbaai af. Die oase is in die hartjie van die Tuinroete geleë, naby die dorpie waar daar uitstekende restaurante, ’n Spar en kunsvlytwinkels is. Kom geniet egte Suid-Afrikaanse gasvryheid in styl.

Kry ’n Kwotasie