Enon

Selfsorg

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Van Zyl's Rus A27.2, Haenertsburg, 0730, Limpopo
Alle ouderdomme is welkom
Vanaf R3 500 per nag (plek vir 8)

Beskrywing

Enon bied gerieflike selfsorg-vakansieverblyf op 'n plaas ongeveer 15 km vanaf Haenertsburg. Dit spog met 'n pragtige wouduitsig en is reg langs die Magoebaskloof Sports Village met bergfietsroetes en voetslaanroetes tussen dennebome.

Dié plaashuis bied slaapplek aan 8 gaste en beskik oor 4 slaapkamers, 2 badkamers en 'n gastetoilet. Daar is 2 slaapkamers wat elk 'n koninggrootte-bed het en die ander twee slaapkamers het elkeen 2 enkelbeddens. Die eerste badkamer is 'n volledige gesinsbadkamer en die tweede badkamer het 'n stort. Alle linne en badhanddoeke word voorsien.

Die ruim leefarea beskik oor 'n kombuis wat met 'n gasstoof, elektriese oond, mikrogolf, yskas-vrieskas, eetgerei, breekware en 'n koffiemasjien toegerus is. Daar is ook 'n eetarea met 'n kaggel en genoeg sitplek. Die knus sitarea het ook 'n kaggel en gemaklike sitplek. Gratis WiFi is beskikbaar.

Buite is daar 'n groot tuin en braaigeriewe waar gaste 'n skemerkelkie saans kan geniet. Veilige parkeerplek is op die perseel beskikbaar. Die huis is in 'n area waar gaste kan voetslaan, visvang, fietsry en kanovaar.

Kry ’n Kwotasie