Esmarline Lodge

Wildsplaas

Kapasiteit: 30 mense
Inkloktyd: 14:00 tot 19:00
Uitkloktyd: 10:00
Adres: Kortstraat, Plot 868, Mamogaleskraal, Brits, 0250, Noordwes
Alle ouderdomme is welkom
Vanaf R800 per nag, vir 2 mense

Beskrywing

Esmarline Lodge is sowat 5 km van Brits af op die Wagpospad en bied gehalteverblyf vir 'n gesin of 'n vriendegroep op soek na 'n rustige wegbreek, of vir reisigers op soek na oornagverblyf.

Die lodge beskik oor 12 ruim suites wat aan alle gaste se behoeftes sal voorsien. Daar is 1 wittebroodsuite, 4 koningingrootte-slaapkamers wat ideaal is vir paartjies, 3 kamers wat elkeen 2 driekwartbeddens het, 2 selfsorg-suites met dubbelbeddens, en 2 selfsorgeenhede met 3 slaapkamers elk wat perfek is vir gesinne.

Elke slaapkamer het 'n TV met DStv en koffie- en teemaakgeriewe.

Gaste het ook toegang tot 'n sprankelende swembad om in af te koel op die warm somersdae.

Daar is 'n funksielokaal reg langs die gastehuis met plek vir tot 100 afgevaardigdes. Dit maak Esmarline Lodge die ideale keuse vir spesiale geleenthede en konferensies.

Die gastehuis bied maklike toegang tot die dorp en is naby die nodige geriewe en Wagpos Hoërskool indien gaste in die omtrek is vir sportgeleenthede.

Kom geniet die rustige plaasatmosfeer saam met familie en vriende, of rus so bietjie voor jy die langpad verder aandurf op pad na jou vakansiebestemming.

Kry ’n Kwotasie