Ether Cottage

Selfsorg

Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Bridoon-singel 5, Houtbaai, 7806, Wes-Kaap
Alle ouderdomme is welkom
Vanaf R2 000 per nag (plek vir 4)

Beskrywing

Ether Cottage bied gerieflike selfsorgverblyf in Houtbaai. Dié bekoorlike kothuis front noord en skuil in 'n groot inheemse tuin met 'n pragtige uitsig. Ether Cottage is hoog teen die berg en kyk uit oor Tafelberg se rug en Oranjekloof Natuurreservaat.

Verblyf word in 2 eenhede, die kothuis en die hoofhuis, gebied. Die kothuis is langs die hoofhuis en bied slaapplek aan 4 gaste. Die kothuis beskik oor 2 slaapkamers, 'n badkamer met 'n bad en stort, en 'n oopplan-kombuisie en -leefarea. Daar is ook 'n privaat dek. Die eerste slaapkamer het 'n koninggrootte-bed en die tweede slaapkamer het 'n koningingrootte-bed. Die leefarea bestaan uit die kombuisie, 'n klein etenstafel en stoele, en 'n sitarea met 'n Apple-TV met Netflix. Gaste het toegang tot 'n aparte ingang, gratis WiFi en veilige parkeerplek. Die kothuis het ook 'n alarm en laserstraalsekuriteit.

Die hoofhuis is vir 6 gaste geskik en beskik oor 3 slaapkamers en 2 badkamers. Die eerste slaapkamer is op die boonste verdieping en het 'n koninggrootte-bed en 'n en suite-badkamer. Die tweede slaapkamer is ook op die boonste verdieping en het 'n stapelbed. Die derde slaapkamer is op die grondverdieping en het 2 enkelbeddens wat in'n koninggrootte-bed omskep kan word indien dit vooraf gereël word. Gaste in die tweede en derde slaapkamer het toegang tot 'n gedeelde badkamer. Ander geriewe sluit 'n oopplan-sitarea met 'n 55"-slim-TV met Netflix en Disney+, 'n ruim kombuis en 'n groot etenstafel in. Gaste het toegang tot 'n aparte ingang, gratis WiFi en veilige parkeerplek. Die huis het ook 'n alarm en laserstraalsekuriteit.

Ether Cottage staan op 'n perseel van meer as 'n hektaar wat spog met inheemse flora en voëllewe. Gaste is welkom om die tuin, swembad, trampoline, gazebo, en braaigeriewe te benut.

Constantia-nek met al sy byderwetse restaurante is net 5 minute van hier af. Groot Constantia, Constantia Glen, Silvermist, Beau Constantia, en ander wynplase is net sowat 10 minute van hier af. Gaan maak gerus 'n draai by die strande en al die winkels in Houtbaai se middedorp.

Kry ’n Kwotasie