Horizon Bay 1203

Selfsorg

Spesiale Aanbod 20% af

Bly 5 nagte en betaal slegs vir 4. Geldig vir verblyf vanaf 3 Apr 2024 tot 31 Aug 2024.

Kapasiteit: 4 mense
Inkloktyd: 15:00 tot 19:00
Uitkloktyd: 10:00
Adres: Blaauwbergstraat 4, Table View, Kaapstad, 7441, Wes-Kaap
Geen kinders onder 12
Vanaf ~~R2 225~~ R1 780 per nag (plek vir 4)

Beskrywing

Horizon Bay 1203 is 'n bekoorlike strandfront-selfsorgwoonstel in die skilderagtige Bloubergstrand en dit bied gerieflike verblyf wat ideaal vir besigheid of vakansie is.

Die tweeslaapkamerwoonstel bied slaapplek aan 4 gaste en beskik oor 2 moderne badkamers en 'n oopplan-kombuis, -eetarea en -sitarea. Die hoofslaapkamer het 'n koningingrootte-bed en 'n en suite-badkamer met 'n stort, wasbak en 'n toilet. Die tweede slaapkamer het 'n dubbelbed en 'n lessenaar vir diegene wat werk moet inhaal. Die aparte badkamer het 'n bad, handstort, wasbak en 'n toilet. Skoon linne en handdoeke word voorsien.

Die kombuis is met 'n yskas-vrieskas, stoof, oond, mikrogolfoond, basiese eetgerei en breekware, en tee- en koffiemaakgeriewe toegerus en het ook 'n skottelgoedwasser en 'n wasmasjien-tuimeldroër. Dit lei na 'n etenstafel met sitplek vir 4 en 'n sitarea met sagte rusbanke, 'n slim-TV en gratis WiFi.

Die sitarea lei via skuifdeure na 'n balkon met 'n asemrowende uitsig oor die blou see. Hiér kan gaste 'n koppie koffie drink of aan 'n skemerkelkie teug.

Gaste het toegang tot 2 motorhuisparkeerplekke en die gemeenskaplike swembad. Die woonstel is stapafstand vanaf verskeie restaurante, kroeë en winkelsentrums.

Kry ’n Kwotasie