Houghton Place 503

Selfsorg

Kapasiteit: 2 mense
Inkloktyd: 14:00 tot 19:00
Uitkloktyd: 10:00
Adres: Norfolk-weg 4, Seepunt, 8005, Wes-Kaap
Alle ouderdomme is welkom
Vanaf R1 145 per nag (plek vir 2)

Beskrywing

Houghton Place 503 is 'n lieflike selfsorgwoonstel met 'n boheemse tema in 'n veilige kompleks in die hartjie van Seepunt. Hierdie woonstel is 'n wonderlike opsie vir 'n paartjie of toeriste wat in die Moederstad wil ontspan.

Dié woonstel bied gerieflike slaapplek aan 2 gaste en beskik oor 'n oopplan-ontwerp. Dit het 'n dubbelbed en 'n badkamer met 'n stort, wasbak en toilet. Alle linne en badhanddoeke word voorsien, maar gaste moet egter hul eie strandhanddoeke saambring.

Die helder oopplan-leefarea beskik oor 'n kombuis wat met 'n stoof, oond, mikrogolfoond, yskassie, eetgerei, breekware en tee- en koffiemaakgeriewe toegerus is. Daari s ook 'n wasmasjien en tuimeldroër. Die kombuis lei na 'n sitarea met gemaklike sitplek en 'n platskerm-TV met Netflix. Gratis WiFi is beskikbaar. Hierdie area het ook 'n etenstafel waar gaste hul maaltye saam kan geniet.

Die leefarea lei na 'n oulike balkon wat 'n wonderlike plek is vir 'n oggendkoffie of 'n skemerkelkie terwyl jy die see-uitsig bewonder. Die woonstel is stapafstand vanaf talle restaurante en winkels asook die Seepunt Promenade.

Kry ’n Kwotasie