Ilanga

Selfsorg

Spesiale Aanbod 10% af

Kry 10% af (minimum twee nagte se verblyf). Geldig vir verblyf vanaf 1 Mei 2024 tot 31 Mei 2024.

Soos Gesien op Facebook
Kapasiteit: 6 mense
Inkloktyd: 14:00 tot 19:00
Uitkloktyd: 09:00
Adres: Steenboklaan 3548, Marlothpark, 1321, Mpumalanga
Alle ouderdomme is welkom
Vanaf ~~R1 250~~ R1 125 per nag (plek vir 6)

Beskrywing

Ilanga is 'n selfsorgvakansiehuis in die Marlothpark Wildbewarea op die suidelike grens van die Krugerwildtuin. Dié bewarea en vakansiedorp spog met 4 van die Groot 5, met die uitsondering van olifante.

Die huis het slaapplek vir 6 gaste en beskik oor 3 slaapkamers wat elk lugversorging het, asook 2 badkamers. Elke slaapkamer het 'n dubbelbed en skuifdeure na buite. Die hoofslaapkamer het 'n en suite-badkamer met 'n stort en 'n bad, asook 'n buitestort, en die tweede en derde slaapkamers deel die tweede badkamer wat 'n stort het.

Die huis spog met 'n speletjieskamer met rusbanke, 'n kroeg en 'n TV, asook 'n pooltafel en 'n veerpyltjiebord. Die kombuis is met 'n dubbeldeuryskas, mikrogolf, gasstoof, skottelgoedwasser en 'n wasmasjien toegerus. Daar is 'n oopplan-sitarea en -eetarea wat toegang tot 'n stoep met gasbraaigeriewe en 'n uitsig oor die vuurput-braai en die swembad bied. Die swembad is gedeeltelik onderdak. Die huis het 'n omsetter wat in die geval van beurtkrag inskop.

Die dorp spog met vrylopende wild wat tussen die huise wei. Ilanga is sowat 19 km vanaf die Krokodilbrughek by die Krugerwildtuin en sowat 102 km van die Kruger Mpumalanga Internasionale Lughawe af.

Kry ’n Kwotasie