Island View F2

Selfsorg

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Visvangerstraat 1, Melkbosstrand, 7441, Wes-Kaap
Alle ouderdomme is welkom
Vanaf R1 300 per nag, vir 4 mense

Beskrywing

Island View F2 is in die kusdorpie, Melkbosstrand, geleë en bied gerieflike selfsorgverblyf in 'n tweeslaapkamerwoonstel, slegs 100 m van die strand af. Daar is ’n uitsig op Tafelberg van die balkon af en nie ’n see-uitsig nie. Rook is verbode in die eenheid.

Die woonstel is op die eerste verdieping (geen hyser) en het 2 slaapkamers, 2 badkamers en 'n volledig toegeruste kombuis en oopplan-sitarea en -eetarea. Die hoofslaapkamer het 'n dubbelbed en 'n en suite-badkamer met 'n stort. Die tweede slaapkamer het 2 enkelbeddens. Die tweede badkamer het 'n stort en 'n bad. Linne en badhanddoeke word voorsien.

Die kombuisie is toegerus met 'n skottelgoedwasser, 'n wasmasjien, 'n tuimeldroër, 'n stoof, 'n mikrogolfoond, breekware en eetgerei. Daar is 'n TV met ’n TV-boks om DStv en Netflix te kyk in die sitkamer en 'n balkon met braaigeriewe wat ’n uitsig op Tafelberg bied. Houtskool-vure word toegelaat. Gratis WiFi is beskikbaar.

Daar is veilige parkeerplek in die kompleks vir 1 motor. Rook is verbode in die eenheid en troeteldiere word nie toegelaat nie.

Melkbosstrand is aan die Weskus geleë net 26 km vanaf Kaapstad se middestad. Melkbosstrand het pragtige strande wat ideaal is vir ure se stap met lieflike uitsigte op Tafelberg en Robbeneiland.

Kry ’n Kwotasie