Merweville Akkommodasie by Karoo Vreugde | LekkeSlaap

+42

Karoo Vreugde

9 resensies

Selfsorg

Kapasiteit: 6 persone
Inkloktyd: 14:00 tot 19:00
Uitkloktyd: 11:00
Adres: Hugenootstraat, Merweville, 6940, Wes-Kaap
Alle ouderdomme is welkom
Vanaf R1 200 per nag (plek vir 6)

Beskrywing

Karoo Vreugde is die ideale selfsorghuis vir 'n onvergeetlike gesinswegbreek in die sonderlinge, prentjiemooi dorpie Merweville.

Dié drieslaapkamerhuis bied slaapplek aan 6 gaste. Die hoofslaapkamer het ’n koningingrootte-bed, die tweede kamer het ’n dubbelbed en die derde slaapkamer het 2 enkelbeddens. Die familie-badkamer het ’n bad en stort.

Die aparte leefarea het 'n leerbank, TV en 'n oopplan-eetkamer met glasdeure wat na buite lei. Die tafel is ook geskik vir bordspeletjies wat in die kas beskikbaar is of om rustig te sit en skryf.

Die kombuis is ten volle toegerus met ’n yskas-vrieskas, stoof, oond, mikrogolf, ketel, broodrooster en kookgerei. Daar is ook 'n Dover-stofie in die kombuis vir koue wintersaande.

Daar is 'n groot kuierstoep aan die agterkant van die huis met 'n braai-area, asook 'n lieflike stoep aan die straatkant van die huis.

Veilige parkeerplek is beskikbaar en die erf is volledig omhein.

Die historiese Merweville Kerk is stapafstand en gaste kan 'n piekniekmandjie pak en op die gewilde Letterkop gaan piekniek hou.

Die algemene handelaar wat ook hout verkoop is skuins oorkant die pad en die plaaslike slaghuis met lekker Karoo-tjoppies vir die braaivleisvuur is net af in die pad.

Kry ’n Kwotasie