Kleinplasie Guesthouse

Gastehuis

Kapasiteit: 50 persone
Inkloktyd: 14:00 tot 20:00
Uitkloktyd: 10:00
Adres: Koeboegasstraat 1, Springbok, 8240, Noord-Kaap
Alle ouderdomme is welkom
Vanaf R1 450 per nag, vir 2 mense

Beskrywing

Kleinplasie is ideaal vir gaste wat op soek is na goeie gehalte, stylvolle, gerieflike en rustige akkommodasie met die ware Namakwaland-gasvryheid waarvoor die streek so bekend is.

Kleinplasie is die ideale oorslaapplek op pad na Namakwaland en Namibië met 11 luukse en pragtig gemeubileerde chalets/kamers en weelderige tuine wat deur talle suikerbekkies, Janfrederike, vinke en vele ander soorte voëls besoek word. Dit is gerieflik geleë vir reisigers van Kaapstad, Johannesburg en Windhoek. Dit is ook naby die dorp, 'n winkelsentrum, plaaslike restaurante en toeristebesienswaardighede geleë.

Al ons pragtige chalets/kamers het private ingange, ingeboude braaigeriewe op die private stoep, OpenView, lugversorging, silwerskoon, wit perkallinne, gastegeriewe, japonne, koffie- en teemaakgeriewe, gratis WiFi en dit word elke oggend skoongemaak terwyl jy uitgaan om ons lieflike landskap te verken.

Kleinplasie bied ontbyt op versoek van Maandag tot Vrydag. 'n Ten volle toegeruste gaste-kombuis is beskikbaar vir diegene wat vir hulself wil kook.

Kleinplasie beskik oor 'n kragopwekker vir moontlike kragonderbrekings. Dus sal alle chalets te alle tye elektrisiteit hê.

Om die privaatheid en gerief van ons gaste te verseker word geen dagbesoekers toegelaat nie.

Kry ’n Kwotasie