+48

Koekais Guest Farm

Selfsorg

Kapasiteit: 6 persone
Inkloktyd: 14:00 tot 18:00
Uitkloktyd: 10:00
Adres: Koekais, Griekwastad, 8365, Noord-Kaap
Alle ouderdomme is welkom
Vanaf R1 650 per nag (vir 6 persone)

Beskrywing

Koekais Gasteplaas is 18 km vanaf die N8-roete tussen Upington en Kimberley geleë en is die ideale plek waar jy, omring deur die natuur, al die klanke en kleure van die natuurlewe in luuksheid en privaatheid kan geniet. Die gastehuis is geskik vir enkel persone, paartjies of gesinne en het plek vir 6 persone. Jou privaatheid is gewaarborg omdat ons nie verskillende besprekings neem vir dieselfde tydperke nie.

Die gastehuis is gebou van natuurlike klip afkomstig van die plaas en is afgerond met 'n grasdak sodat dit heeltemal saamsmelt in die natuurlike omgewing.

Die huis het 'n volledig toegeruste kombuis, DStv, beperkte WiFi, en 3 en suite-dubbelkamers. 'n Groot hittepomp geiser, ’n plafonwaaier en elektriese komberse verseker verdere gemak. Stapeldeure lei na ’n groot stoep met stoepmeubels vanwaar gaste die wild kan dophou of sommer van die sitarea.

Saans kan jy in die lapa lekker kuier terwyl jy die naggeluide van die Noord-Kaap en die helder, uitgestrekte sterrehemel kan waardeer. Ons voorsien 'n goeie voorraad hout en aanstekers vir die braaivleisvuur. 'n Hele paar roetes vir stap of fietsry is beskikbaar op die plaas. Etes is ook beskikbaar op versoek.

Die instansie maak van sonkrag gebruik en word dus nie deur beurtkrag geaffekteer nie. Gaste hoef slegs 'n paar reëls te volg in terme van kragverbruik om die sonkrag ten volle te benut. Vra gerus vir meer inligting oor die gebruik van die sonkrag by die gastehuis.

Ons gee aandag aan al die klein dingetjies en daarom is Koekais Gasteplaas 'n uitstekende keuse vir jou wegbreek!

Kry ’n Kwotasie