Kuruman Hotel

Daar was net so paar dinge wat uit plek was. Bv. twee gaste maar net een handdoek.

Ja, ons het. Net paar goedjies wat ek sou verander. Kos by die restaurant was ook baie lekker.

Vriendelike diens en netjiese plek.

Bly maar uit middedorp - vuil.

Onverbeterlike gasvryheid!

Ons het dadelik tuis gevoel. Die atmosfeer is verwelkomend en die diens wat ons ontvang het was puik! Ons moes vroeg ry en 5 uur die oggend was ons ontbyt pakkie gereed. Baie dankie, sal beslis weer daar bespreek.

Goeie oornagplek.

Lekker oornagplek met die restaurant op die perseel.

Die slaapgeriewe is regtig op standaard maar die restaurant is uiters swak asook die kos.

Op 28 Feb het ons aandete bestel en hoewel ons net vier persone was het ons meer as 'n uur gewag vir die kos terwyl die kombuispersoneel gestaan en kuier het. Nadat ons twee keer navraag gedoen het het die kos uiteindelik gekom maar dit was yskoud en nie volgens die bestelling soos op die spyskaart nie. Ons het ons ontevredenheid aan die bestuurder ene mnr Klein oorgedra maar sy enigste oplossing was of hy vir ons kos kon inbestel. Op 25 Feb het ons ook daar geslaap en die kos was ook nie op standaard nie.

Pragtig.

Baie netjiese skoon plek, vriendelike mense, kos is puik, sal weer daar bly.

Ons het die 27ste Desember 2021 oor gebly vir die nag sonder enige probleme.

Toe ons terugkeer vir nog 'n nag die 8ste Januarie 2022 was dit baie onaangenaam. Mense het gedrink en geraas. Mense het na middernag met kinders hard gepraat en kinders het geskree en deure toegeklap. Die man reg langs ons het ook die hele nag opgebring en die klanke het deur die mure deurgeslaan. Ons het geen slaap in gekry deur die nag nie. Hotel reëls kon beter in plek gewees het soos bv. 22:00 stiltetyd.

Oornag terug op pad van Augrabies.

Netjiese plek, ruim kamers en badkamers. Uitstekende ontbyt.

Oornagplek.

Die gesinskamer lyk soos 'n deel van 'n ou huis wat net afgeskort is. Alhoewel dit netjies was, was die badprop te klein vir die bad en die DStv het nie gewerk nie. Daar was net 3 bekers in die kamer alhoewel daar 4 mense bespreek het. Kopstuk van hoofbed was los en meubels kan beslis opgegradeer word.

Aanvaarbaar vir slegs oornagverblyf, nie geskik om langer te bly nie.

Ontvangs, restaurant en kroeg is een area wat nie aanvaarbaar is nie. Plek was netjies dog beknop, die hotel moet dringend opgegradeer word.

Wat jy sien op die webblad is nie wat jy kry nie.

Die tipe kamer voorstelling.

Volgens verwagting.

Het slegs daar oornag.

Nicely located.

Staff friendly and helpful. Allowed us to book in early. Good value for money.

Was tevrede met verblyf, maar was bekommerd oor veiligheid.

Die hotel is baie netjies en ons was tevrede met ons eenheid en geriewe. Mense moet egter deur 'n slegte deel van die dorp ry om by die hotel uit te kom. Die hotel is nie ver daarvan geleë nie en daar is geen sekuriteit aan diens nie. Toe ons navraag gedoen het oor die veiligheid, was die personeel nie baie behulpsaam nie en hulle het ook erken dat die dorp nie veilig is nie. Ons besef dat die hotel nie aanspreeklik is vir die misdaad in die dorp nie, maar dink gaste sal net meer gerus kan bly indien daar voltydse sekuriteit aan diens is. Voornemende besoekers moet baie versigtig wees in Kuruman.

Lekker gebly.

Baie gerieflik dat daar 'n restaurant op die perseel is wat heerlike etes bedien.

Vinnige stop in die Noord-Kaap.

Sien sterre.

Dit is 'n goeie bestemming as jy wil oorslaap op pad na iewers anders.

Alles wat jy nodig het vir 'n rustige oorslaap.

Netjies en in veilige buurt van Kuruman.

Die eenheid is netjies maar 'n bietjie outyds gemeubileer. Indien jy in Kuruman moet oornag is die hotel 'n goeie opsie.

Baie lekker verblyf maar paar verbeteringe sal dit uitstekend maak.

Die verblyf was lekker maar daar is paar klein dinge wat aandag kan geniet. Die kamer se bedlampies het byvoorbeeld nie ligte in nie. En daar was regdeur die aand en in die vroeë oggendure die mees irriterende geraas in die kamer. Ek weet nie of dit die kamer langsaan se lugversorging was nie, maar dit was aanhoudend. Kamers is ook glad nie klankdig nie, so 'n mens hoor alles wat in kamers langsaan aangaan. Ontbyt was baie lekker. Vir 'n sakereisiger om oor te slaap is dit ideaal.

Baie rustig.

Skoon, netjies en personeel baie vriendelik.

Baie lekker vriendelik en hulpvaardig.

Die personeel is baie vriendelik, kos is ongelooflik lekker en kamers is mooi skoon.

Kamers en kos net nie op standaard nie.

Kuruman Hotel, nee - iets het verlore gegaan.

Eenheid het 'n paar probleme gehad, geen stortgordyn, geen handdoekrelings en geen hangplek vir klere in badkamer.

Sien sterre.

1 nag oornag tussen Namakwaland en Gauteng.

Geen ernstige probleme nie. Kamer was skoon. Geen spieël in badkamer of kamer.

Brilliant for a one night stay.

Great for what we needed on our way home.

'n Goeie oornagstop! Uitstekende etes word by die hotel bedien.

Veilige parkering. Kamers is ten volle toegerus en is baie gemaklik.

Skoon, netjies en vriendelik, maar nog baie plek vir verbetering.

Dit is baie skoon en netjies en die dame wat ons ontvang het was baie vriendelik en behulpsaam. Daar was egter nie ‘n spieël in die kamer of badkamer nie. Die kussings was van swak gehalte en daar was net een stoel.

Vriendelike personeel, maar 'n teleurstellende oornagplek.

Die hotelkamer se vloer was nie skoongevee nie. Daar was groot vlekke op die plafon waar iets gelek het en die mure was vol strepe waar reën of ander oorloopwater afgeloop het. Die lakens was dun en verslete. Hoewel die bestuurder en ontvangsdame ons vriendelik ontvang het, was die hele ervaring regtig 'n teleurstelling. Die aandete en selfs ontbyt was onder standaard vir enige gastehuis of hotel.

Aangenaam, netjies en skoon.

Sou graag 'n lugversorger in tweede kamer ook wou hê.