Strand Akkommodasie by La Belle Vue | LekkeSlaap

+41

La Belle Vue

Selfsorg

Weeksdagaanbod

Bly 3 nagte en betaal slegs vir 2 op enige bespreking wat nie 'n Vrydag- of Saterdagaand insluit nie. Geldig vanaf 13 Jan 2020 tot 4 Des 2020.

Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Kusweg 36, Strand, 7140, Wes-Kaap
Alle ouderdomme is welkom
Vanaf R4 000 per nag (vir 6 persone)

Beskrywing

La Belle Vue bied selfsorgverblyf in 'n elegante, smaakvol gemeubileerde woonstel in 'n woonstelblok langs die strand in Strand, 'n skilderagtige kusdorp aan die voet van die Hottentots-Hollandberge, tussen Macassar en Gordonsbaai, in die Wes-Kaap.

Hierdie drieslaapkamerwoonstel is op die tweede verdieping en is geskik vir 6 gaste. Die hoofslaapkamer het 'n koningingrootte-bed, 'n en suite-badkamer met 'n oopplan-bad en -stort. Die tweede slaapkamer het 'n koningingrootte-bed en die derde slaapkamer het 2 enkelbeddens. Hierdie kamers deel 'n badkamer met 'n bad en stort. Die slaapkamers bied almal direkte toegang tot die balkon met 'n panoramiese uitsig oor die see en het gehaltelinne, handdoeke, basiese toiletware, ingeboude kaste en ruim stoorplek.

Die kombuis is volledig toegerus met 'n yskas-vrieskas, stoof, oond, mikrogolfoond, skottelgoedwasser, wasmasjien en 'n tuimeldroër. Daar is ook 'n toonbank met stoele. Die oopplan-leefarea het 'n asemrowende uitsig oor die oseaan en 'n TV met DStv, stylvolle sitkamerstel en 'n etenstafel.

Die leefarea lei na die balkon met 'n ononderbroke uitsig oor die see, 'n piekniektafel met 4 sitplekke en 2 sonstoele. Die kompleks het gemeenskaplike geriewe wat 'n swembad met vars water, braaigeriewe, hysbakke, onderdakparkeerplek, addisionele gasteparkeerplek en 'n 24-uur-ontvangs insluit.

Doendinge in die omgewing sluit Strand Gholfklub, Somerset Mall, Helderberg wynlandgoedere, Strand Waterworld en Hottentots Holland Natuurreservaat in.

Kry ’n Kwotasie