Beskrywing

Laaste Gift is ’n ruim selfsorg-vakansiehuis wat verblyf aan tot 10 gaste bied. Dit is reg by die see geleë en 1 kilometer vanaf die swemstrand in Bettysbaai.

Laaste Gift bied nie net ’n ongelooflike uitsig oor die see nie, maar ook oor die omliggende fynbos en berge. Boonop grens dit aan 'n reservaatgebied, wat beteken dat daar nie aan sy een kant gebou mag word nie.

Laaste Gift is ’n dubbelverdiepinghuis wat beskik oor 4 slaapkamers, 3 badkamers, ’n kombuis, eetarea, leefarea en sonkamer.

Op die grondverdieping is 2 slaapkamers en ’n ruim leefarea. Daar is ’n dubbelbed in 1 van die kamers en die ander kamer het ’n enkelbed en 'n stapelbed. Die kamers deel die gebruik van ’n badkamer met ’n stort en toilet. Die leefarea het ’n groot etenstafel en lei na ’n stoep met 'n buitetafel vir 6 gaste.

Die eerste verdieping beskik oor 2 en suite-slaapkamers, 'n ekstra toilet, ’n kombuis, ’n eetearea, ’n leefarea en 'n sonkamer. Daar is ’n koningingrootte-bed en 'n driekwartbed in die eerste kamer, asook 'n badkamer met 'n bad, stort en toilet. Die tweede slaapkamer word via ’n dek bereik en is baie privaat. Dit beskik oor ’n koningingrootte-bed en 2 driekwartbeddens. Hierdie kamer het ook ’n stort, bad en toilet.

Gaste moet hul eie handdoeke bring. Beddegoed word voorsien.

Die kombuis is met ’n stoof, oond, lugbraaier, mikrogolfoond en 'n yskas toegerus. Daar is ook ’n skottelgoedwasser. ’n Stel trappe lei vanaf die kombuis na die braai-area buite.

Gaste kan in die leefarea voor die TV met vol DStv ontspan terwyl hulle oor die see, fynbos en op die berge uitkyk.

Gaste kan die Harold Porter Botaniese Tuin of die pikkewynkolonie by Stoney Point besoek. Dié area bied verskeie doendinge, soos sandplankry, swem, branderplankry, stap- en voetslaanpaadjies en het ook verskeie eetplekkies.

Let asseblief daarop dat geen harde musiek hier toegelaat word nie. Wanneer gaste bespreek, word 'n afskrif van die identiteitsdokument van die persoon wat bespreek, vereis.