L'Bloom Country House

Selfsorg

Kapasiteit: 6 persone
Inkloktyd: 15:00 tot 18:00
Uitkloktyd: 10:00
Adres: Langs Winterhoekweg, De Oude Drostdy Plaas, Tulbagh, 6820, Wes-Kaap
Alle ouderdomme is welkom
Vanaf R3 600 per nag, vir 6 mense

Beskrywing

L'Bloom Country House is omring deur bome op 'n vrugteplaas en is 'n selfsorghuis wat geskik is vir 6 gaste in Tulbagh.

Dié huis het 3 slaapkamers met lugversorging, 'n moderne kombuis, eetarea en 'n sitkamer. Die hoofslaapkamer lei na 'n tuin en het 'n koningingrootte-bed, ondervloerse verhitting, instapstort en 'n en suite-badkamer met 'n bad, stort, toilet en wasbak. Die tweede slaapkamer het 2 driekwartbeddens en die derde slaapkamer het 'n stapelbed. Dié 2 kamers deel 'n badkamer wart 'n bad, stort, toilet en wasbak het. Linne en handdoeke word voorsien.

Die kombuis is met 'n stoof, oond, mikrogolf, yskas, tee- en koffiemaakgeriewe, skottelgoedwasser en 'n wasmasjien toegerus. Koffie, tee, suiker en melk word voorsien.

Gaste kan etes rondom die etenstafel met 'n uitsig oor die tuin en op die berge geniet, in die sitkamer met 'n TV met sekere DStv-kanale ontspan of braai in die voorste braai-area. Gaste moet asb. hul eie hout saambring of dit kan gereël word teen 'n ekstra koste. Daar is 'n eerlikheids-winkeltjie in die huis waar gaste produkte, drankies en hout kan koop.

Die huis het 'n lieflike beskutte tuin waarin kinders kan speel, 'n kabelgly, sandput, 'n alarmstelsel en 'n elektriese hek. Gaste kan hul fietse saambring om die omgewing te verken en hul visstokke om vis te vang in die dam wat naby die eenheid is.

L'Bloom Country House is net 3 minute se ry van Tulbagh af. Dié geskiedkundige dorp het verskeie doendinge soos wynproe op die wynlandgoedere, voetslaan, stap, bergfietsry en perdry.

Kry ’n Kwotasie