Le Petit Bijou Woonstelle

Selfsorg

Kapasiteit: 14 mense
Inkloktyd: 15:00 tot 20:00
Uitkloktyd: 11:00
Adres: Hugenoteweg 58, Franschhoek, 7690, Wes-Kaap
Alle ouderdomme is welkom
Vanaf R3 160 per nag, vir 2 mense

Beskrywing

Le Petit Bijou beteken "klein juweel" en is in die hartjie van Franschhoek geleë, naby alles wat die wonderskone area bied. Daar is luukse selfsorgwoonstelle wat toegerus is met al die nodige geriewe vir moderne gemak. Die Franschhoek-trem maak 'n draai by jou voorstoep sodat jy die hele dag lank kan wynproe en eet by die top-wynlandgoedere in die area sonder om eers jou karsleutels te lig.

Daar is 4 gerieflike woonstelle met 'n paar uitlegte beskikbaar sodat elke gas tuis sal voel. Elke luukse woonstel het 'n lieflike leefarea en 'n goed toegeruste kombuis. Geriewe sluit 'n TV met Netflix, DStv, lugversorging en gratis WiFi in.

Die woonstelle is onafhanklik van die tradisionele kragnetwerk aangesien dit met 'n sonkrag- en batterystelsel toegerus is, en gaste nie deur beurtkrag geaffekteer word nie.

Die kompleks is binne stapafstand van heelwat doendinge in die area af. Besoek die restaurante, rariteitswinkels en historiese dorpsmonumente. Daar is ook heelwat wingerde en wynlandgoedere in die omgewing waar gaste kan gaan inloer. Die Franschhoek-trem is net 'n paar honderd meter weg.

Kry ’n Kwotasie