McGregor Backpackers

Voeg by Gunstelinge

 

Beskrywing

McGregor Backpackers is in die hartjie van McGregor aan die voet van die Riviersonderendberge. Dis naby al die interessante plekke in dié mooi dorpie.

McGregor Backpackers bied rugsakreisigerslosies en sakpasverblyf. Daar is 4 en suite-dubbelkamers met enkelbeddens, ‘n gesin-suite met 2 kamers en ‘n en suite-badkamer en ‘n slaapsaal vir 6 met 2 en suite-badkamers en ‘n aparte toilet. Die kamers is rondom ‘n lowerryke tuin in ‘n beskutte binnehof gerangskik. Beddegoed en badhanddoeke word voorsien.

Daar is ‘n gemeenskaplike kombuis wat volledig toegerus is met tee, koffie en tuisgebakte beskuit. Daar is ook ‘n eetkamer en ‘n sitkamer met DStv. Gratis WiFi word voorsien en veilige parkeerplek is op die perseel beskikbaar.

Hout is te koop en ys is gratis. Die braai-area en vriendskapstafel is ideaal vir kuier en die inwonende braaimeester, Geoff, sal selfs namens gaste braai.

Gaste kan die berge en sonsopkoms van die tuin af bewonder. Groepe, gesinne, stappers, ridders van die langpad en bergfietsryers is welkom. McGregor Backpackers is troeteldiervriendelik, maar hulle mag nie op die beddens slaap nie. ‘n Inkopie- en pendeldiens is vir stappers beskikbaar.

Om omgewingsvriendelikheid te bevorder word daar herwin, kompos gemaak en water opgevang. Die geisers werk met sonkrag en as die son nie skyn nie, is daar steeds genoeg warm water.

Gaste en hul besittings se veiligheid word hoog geag en daar is altyd iemand op die perseel om ‘n ogie te hou en gaste se vrae te antwoord.

Kenmerke

  •  Afrikaans
  •  Braaiplek
  •  Troeteldiere indien gereël
  •  Veilige Parkering
  •  Gratis WiFi

Aktiwiteite Naby

  •  Perdry
  •  Voëlkyk
  •  Wynproe
  •  Fietsry
  •  Bergfietsroetes
  •  Swem

Betaalopsies op Perseel

  •  Kontant
  •  Elektroniese Fondsoorplasing

Geriewe

  •  Lughawe-pendeldiens Op Versoek
  •  Braaiplek
  •  Gastesitkamer
  •  Kombuisgeriewe
  •  Wasgoeddiens
  •  Geen Rook Binnenshuis
  •  Malaria-vrye streek
  •  Troeteldiere indien gereël
  •  Satelliet-TV
  •  Selfsorg
  •  Skoonmaakdiens Op Versoek
  •  Gratis WiFi
  •  WiFi

Hier praat ons

  •  Afrikaans
  •  Engels

Parkeerplek

  •  Veilige Parkering
  •  Parkering Van Die Straat Af

Kaart Meer oor die omgewing 

Gaste wat na McGregor Backpackers gekyk het, het ook belangstelling getoon in die volgende lekke plekke:

Vanaf R484 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false