Melkbos Mountain View Estate

Selfsorg

Kapasiteit: 26 mense
Inkloktyd: 12:00 tot 19:00
Uitkloktyd: 10:00
Adres: Napoleon-straat 22, Duynefontein, Kaapstad, 7441, Wes-Kaap
Alle ouderdomme is welkom
Vanaf R1 800 per nag (plek vir 6)

Beskrywing

Melkbos Mountain View Estate bied moderne en gerieflike selfsorgverblyf in ’n rustige omgewing op ’n kleinhoewe in die woongebied Duynefontein in Melkbosstrand. Die verblyf is ideaal vir sakereisigers, of gaste wat saam met familie en vriende vakansie hou.

Verblyf word gebied in ’n eenslaapkamer-kothuis, die Spekboom-kothuis, vir 2 gaste, en 3 studio-eenhede wat elk plek het vir 4 tot 6 gaste. Elke eenheid het ’n aparte ingang, ’n sitarea met ’n platskerm-TV en ’n goed toegeruste kombuis met ’n stoof, oond, yskas-vrieskas, mikrogolfoond, ketel en broodreooster. Die eenheid lei na ’n stoep met sitplekke en braaigeriewe.

Die eenhede deel die gebruik van ’n tuin en ’n boma-braai met ’n onderdak-eetarea. Daar is ook ’n selfsorg-wasgoedkamer met ’n wasmasjien, tuimeldroër en strykyster. Veilige parkeerplek is op die perseel beskikbaar.

Die Aloe-kothuis beskik oor 2 slaapkamers en bied slaapplek aan 4 tot 6 gaste. Dit het 'n privaat ingang, 'n sitarea met 'n platskerm-TV en 'n kombuis wat met 'n stoof, oond, yskas-vrieskas, mikrogolf, ketel, broodrooster, wasmasjien en wasgoedlyn toegerus is. Die kothuis lei na die stoep met sitplek en braaigeriewe.

Die eiendom grens aan die Eskom-natuurreservaat en is 5 km vanaf Melkbosstrand en 15 km vanaf Table View. Daar is ’n MyCiTi-busstop net buite die perseel.

Kry ’n Kwotasie