Miamnali

Selfsorg

Spesiale Aanbod 16% af

Bly 6 nagte en betaal slegs vir 5. Geldig vir verblyf vanaf 14 Jun 2024 tot 8 Jul 2024.

Kapasiteit: 10 persone
Inkloktyd: 14:00 tot 19:00
Uitkloktyd: 10:00
Adres: Thys Olivier-straat 31, Dwarswegstrand, Groot-Brakrivier, 6525, Wes-Kaap
Alle ouderdomme is welkom
Vanaf ~~R3 000~~ R2 500 per nag (plek vir 10)

Beskrywing

Miamnali is in Dwarswegstrand naby Groot-Brakrivier in die Suid-Kaap geleë. Die strand is net 800 m van die perseel af, waar doendinge soos swem, sonbaai en visvang geniet kan word.

Die houthuis bied slaapplek vir 10 gaste in 5 kamers met 3 badkamers. Sommige van die badkamers is en-suite en elkeen het 'n bad en/of stort, toilet en 'n wasbak. Daar is 'n goed toegeruste kombuis met 'n yskas, mikrogolfoond, oond met 'n stoof, asook 'n skottelgoedwasser en ingeboude kaste met ander toebehore wat gaste kan gebruik. Die huis het twee ruim leefareas. Die een is ń oopplan kombuis met ń eetkamer en "koffiekuierhoekie". Die ander een beskik oor 'n binne braai en TV kamer. Beide leefvertrekke lei na die buite groot houtdek met 'n Weber-braai en uitstekende uitsigte oor die see.

Die huis het ook ń aparte waskamer met ń wasmasjien, tuimeldroeër en wasbak. Die vrieskas staan ook in hierdie vertrek.

Nabye plekke sluit die volgende in: Die Groot-Brakrivier Museum, die Watson Skoenfabriek en 'n restaurant by een van die grootste Peperbome in Suid-Afrika. Daar is 'n roete wat die historiese- en kulturele interessanthede van die omgewing uitlig wat jy kan verken. Die eiendom is 15 minute se ry vanaf George Lughawe en 20 minute se ry vanaf die Tuinroete en Langeberg Malls.

Kry ’n Kwotasie