Muqurati Lodge

Wildsplaas

Kapasiteit: 11 mense
Inkloktyd: 14:00 tot 19:00
Uitkloktyd: 10:00
Adres: Welgevonden 32, De Wagendrift, Dinokeng, 0407, Gauteng
Alle ouderdomme is welkom
Vanaf R4 700 per nag (plek vir 11)

Beskrywing

Muqurati Lodge bied gerieflike selfsorgverblyf vir 'n groep vriende of gesin van 8 volwassenes en 3 kinders. Hier het gaste die geleentheid om van naby te sien hoe wild vrylik rondbeweeg.

Die ruim lodge beskik oor 4 slaapkamers, 4 badkamers, 'n kombuis, lieflike buitebraai-area en 'n boma. Die hoofslaapkamer, Leeu, het 'n koninggrootte-bed, asook 'n dagbed en die en suite-badkamer het 'n bad en stort. Die kamer het ook 'n instap-klerekas. Die tweede slaapkamer, Olifant, het 'n koningingrootte-bed en 'n enkelbed waarop 'n kind kan slaap. Dié en suite-badkamer het 'n stort. Luiperd, die derde slaapkamer, het ook 'n koningingrootte-bed en 'n en suite-badkamer met 'n stort. Die vierde slaapkamer, Zebra, het 'n dubbelbed en 'n en suite-badkamer met 'n stort. Al die kamers lei na 'n stoep.

Die groot kombuis is met 'n stoof, oond, mikrogolfoond, yskas en tee- en koffiemaakgeriewe toegerus en lei ook na die stoep. Hier kan gaste hul maaltye om die etenstafel saam geniet of in die sitarea ontspan.

Die huis het 'n groot onderdakbraai-area en 'n boma. Gaste mag slegs in die boma vuurmaak, en hout is by die lodge te koop. Gaste mag nie aan bome op die perseel kap om hout te kry nie.

Verder kan gaste die uitsig vanaf die stoep geniet waar wild rondloop. 'n Verskeidenheid wild kom laatmiddag of saans tot naby vir water en kos. Gaste kan ook op die wandelroetes stap om die wild vanagter 'n elektriese heining te besigtig.

Kry ’n Kwotasie