Newlands Homestay

Gastehuis

Gratis kansellasie tot 1 week voor jou verblyf!
Kapasiteit: 4 mense
Inkloktyd: 14:00 tot 19:00
Uitkloktyd: 10:00
Adres: Avenue Grande 17, Nuweland, 7700, Wes-Kaap
Alle ouderdomme is welkom
Vanaf R900 per nag (plek vir 2)

Beskrywing

Newlands Homestay bied gerieflike oornagverblyf in die hartjie van Nuweland. Die verblyf is ideaal vir sakereisigers of vakansiegangers.

Verblyf word aangebied in 2 knus eenhede, die Pool-kamer en die Anneks. Elke eenheid bied slaapplek aan 2 gaste. Die Pool-kamer het 'n ekstra lang koninggrootte-bed en die Anneks het 2 ekstra lang enkelbeddens. Elke eenheid het 'n privaat ingang en 'n en suite-badkamer met 'n stort, toilet en wasbak. Linne en badhanddoeke word voorsien.

Elke eenheid is met 'n mikrogolf, yskassie, broodrooster en tee- en koffiemaakgeriewe toegerus. Eetgerei en breekware is op versoek beskikbaar. 'n Slim-TV met Netflix en YouTube is ook in elke eenheid beskikbaar. Sakereisigers sal bly wees om te verneem dat daar ook gratis WiFi en 'n lessenaar in elke eenheid beskikbaar is. Elke eenheid het ook 'n stoeptafel en stoele buite wat die ideale plek is om te ontspan na 'n besige dag.

Gaste het direkte toegang tot die gemeenskaplike swembad. Veilige parkeerplek is op die perseel beskikbaar en Newlands Homestay is lekker naby verskeie winkels en restaurante.

Die eiendom maak van sonkrag gebruik en word dus nie deur beurtkrag geaffekteer nie.

Kry ’n Kwotasie