Noordhoek Hidden Gem

Selfsorg

Kapasiteit: 6 mense
Inkloktyd: 16:00 tot 21:00
Uitkloktyd: 10:00
Adres: Emerald Terrace 4, San Michel, Noordhoek, 7979, Wes-Kaap
Alle ouderdomme is welkom
Vanaf R3 600 per nag, vir 6 mense

Beskrywing

Noordhoek Hidden Gem is in die prentjiemooi voorstad Noordhoek wat 'n gewilde bestemming onder vakansiegangers is. Die lieflike selfsorghuis het 'n mooi tuin en is in 'n rustige omgewing. Dit is 'n luukse en gesofistikeerde villa met 'n moderne ontwerp en is ideaal vir gaste wat op soek is na 'n afgesonderde vakansie.

Die smaakvolle huis bied slaapplek aan 6 gaste en beskik oor 3 slaapkamers en 3 badkamers. Die eerste en tweede slaapkamer het elk 'n koninggrootte-bed en 'n en suite-badkamer met 'n stort, toilet en wasbak. Die derde slaapkamer het 'n koningingrootte-bed en gaste in hierdie slaapkamer maak gebruik van 'n gedeelde badkamer met 'n stort, toilet en wasbak. Elke slaapkamer bied direkte toegang tot die stoep. Gehaltelinne en badhanddoeke word voorsien, maar gaste moet hul eie swemhanddoeke saambring.

Die oopplan-leefarea beskik oor 'n sitarea, eetarea en kombuis. Die kombuis is met 'n stoof, oond, mikrogolf, yskas-vrieskas, skottelgoedwasser, tee- en koffiemaakgeriewe, eetgerei en breekware toegerus. DIe eetarea het 'n etenstafel met 6 stoele en die sitarea het 'n gemaklike sitkamerstel, 'n koffietafel, kaggel en 'n TV. Daar is ook 'n lessenaar indien gaste werk moet doen.

Gratis WiFi is beskikbaar en gaste is welkom om in die luisterryke tuin te ontspan of 'n al fresco-maaltyd op die stoep met sitplek vir 6 te geniet. Die stoep het ook 'n pragtige see-uitsig en die huis bied direkte toegang tot die strand wat etlike treë van die voordeur af is. Gaste kan dus heerlik gaan visvang, staanplankry of swem.

Kry ’n Kwotasie