Old Sam's Cottage

Selfsorg

Spesiale Aanbod 10% af

Kry 10% af (minimum twee nagte se verblyf). Geldig vir verblyf vanaf 11 Mrt 2024 tot 30 Apr 2024.

Soos Gesien op Facebook
Kapasiteit: 2 persone
Inkloktyd: 14:00 tot 20:00
Uitkloktyd: 11:00
Adres: Rhenosterfontein-plaas, Bredasdorp, 7280, Wes-Kaap
Alle ouderdomme is welkom
Vanaf ~~R780~~ R702 per nag (plek vir 2)

Beskrywing

Old Sam's Cottage is in 'n wildkamp, net 9,5 km vanaf Bredasdorp, die hartjie van die Overberg se kreatiwiteit en kookkuns, geleë. By Old Sam's Cottage word stilte en rustigheid vervleg. Die kothuis is ook net 41 km van De Hoop Natuurreservaat af.

Die kothuis bied slaapplek aan 2 gaste in 'n slaapkamer met 'n dubbelbed, luukse linne en 'n gasverwarmer vir die kouer aande. Die en suite-badkamer het 'n stort, toilet en 'n wasbak. Die leefarea en kombuis het 'n oopplan-uitleg. Die kombuis is met 'n yskas-vrieskas, 2 gasplate, eetgerei en breekware toegerus. Die leefarea lei na 'n onderdakstoep met sitplek, 'n piekniektafel en 'n ingeboude braai. Die stoep is die perfekte plek vanwaar gaste die sonsondergang oor die plaas kan bewonder.

Hierdie kothuis sal gaste terugneem in tyd. Daar is geen elektrisiteit nie en water word deur 'n gasgeiser verhit. Die kothuis se ongekunstelde atmosfeer word verder deur lanterns en herlaaibare ligte beklemtoon. Gratis WiFi is beskikbaar.

Die plaas het 'n sirkelfietsroete wat 15 km lank is en die nabygeleë Karsrivier is ideaal vir visvang. Stappers sal dit geniet om in die duineveld te gaan stap en gaste kan gerus in die kothuis se kano op die Karsrivier gaan roei. Die groot verskeidenheid voëlspesies is enige voëlkyk-entoesias se droom en daar woon elande, springbokke en sebras in die wildkamp.

Kry ’n Kwotasie