Olive Grove

Selfsorg

Kapasiteit: 6 mense
Inkloktyd: 14:00 tot 19:00
Uitkloktyd: 10:00
Adres: 2de Laan 16, Shelley Point, St. Helenabaai, 7390, Wes-Kaap
Alle ouderdomme is welkom
Vanaf R2 200 per nag (plek vir 6)

Beskrywing

Olive Grove is 'n pragtige vakansiehuis op die gewilde Shelley Point Estate in St. Helenabaai aan die Weskus. Dit is stapafstand vanaf die strand wat dit die ideale plekkie maak vir 'n vakansie saam met die gesin of 'n groep vriende.

Die omheinde huis bied slaapplek aan 6 gaste en beskik oor 3 slaapkamers en 2 badkamers. Die ruim hoofslaapkamer het 'n koningingrootte-bed, 'n instapkas en 'n en suite-badkamer met 'n bad, stort, dubbelwasbak en 'n toilet. Die tweede en derde slaapkamer het elk 'n dubbelbed en gaste in hierdie slaapkamers deel 'n tweede badkamer wat 'n bad en 'n stort het. Alle linne en badhanddoeke word voorsien, maar gaste moet hul eie strandhanddoeke saambring.

Die oopplan-leefarea het 'n hoë plafon en 'n kombuis wat met 'n gasstoof, elektriese oond, mikrogolfoond, yskas-vrieskas, eetgerei, breekware en 'n eiland toegerus is. Daar is ook 'n aparte opwaskamer met 'n skottelgoedwasser en 'n wasmasjien. Die kombuis lei na 'n etenstafel en 'n knus sitarea met gemaklike rusbanke, 'n kaggel en 'n TV teen die muur.

Skuifdeure lei na 'n binnebraaikamer met gemaklike sitplek en ingeboude braaigeriewe, en stapeldeure lei dan na 'n tuin waar gaste heerlik kan ontspan.

Kry ’n Kwotasie