Pa se Engel Oppi Plaas

Selfsorg

Kapasiteit: 11 mense
Inkloktyd: 14:00 tot 19:00
Uitkloktyd: 10:00
Adres: Hartebeesfontein, Sutherland, 6920, Noord-Kaap
Alle ouderdomme is welkom
Vanaf R1 000 per nag, vir 2 mense

Beskrywing

Pa se Engel Oppi Plaas is op 'n werkende skaapplaas ongeveer 20 km vanaf Sutherland en is ideaal vir gaste wat op soek is na 'n rustige wegbreek van die stad se gewoel.

Verblys is in Die Skooltjie met slaapplek vir 6 gaste beskikbaar. Die hoofslaapkamer het 'n dubbelbed en daar is 2 enkelbeddens in die tweede slaapkamer. Die solderarea het 'n dubbelbed. Die Meulhuis bied slaapplek aan 5 gaste en beskik oor 2 slaapkamers. Die eerste slaapkamer het 'n dubbelbed en daar is 2 enkelbeddens in die tweede slaapkamer. 'n Addisionele enkelbed is in die sitarea beskikbaar. Elke eenheid het 'n badkamer met 'n stort, wasbak en toilet. Die gasgeisers voorsien warm water tydens beurtkrag. Paneelverwarmers, elektriese komberse en vere-duvets is in die slaapkamers beskikbaar. Alle linne en badhanddoeke word voorsien.

Die hoofleefarea van elke kothuis beskik oor 'n kombuis, eetarea en 'n knus sitarea met 'n kaggel. Die kombuis is met 'n tweeplaatgasstoof, 'n mikrogolfoond, 'n yskas, eetgerei, breekware en 'n sentrale etenstafel met sitplek vir 4 toegerus. Gratis WiFi is beskikbaar.

Buite elke eenheid is daar 'n groot stoep met 'n ingeboude raai en uitsigte oor die omliggende plaas.

Kry ’n Kwotasie