Sable Hide 2692

Selfsorg

Gratis kansellasie tot 1 week voor jou verblyf!
Kapasiteit: 4 mense
Inkloktyd: 14:00 tot 19:00
Uitkloktyd: 10:00
Adres: Swartwitpens-weg 2692, Marlothpark, 1321, Mpumalanga
Alle ouderdomme is welkom
Vanaf R1 350 per nag (plek vir 4)

Beskrywing

Sable Hide 2692 is 'n lieflike selfsorghuis in Marlothpark, Mpumalanga, en bied slaapplek aan 4 gaste wat dit die ideale opsie vir 'n wegbreek maak.

Die hoofslaapkamer het 'n koningingrootte-bed en 'n en suite-badkamer met 'n stort, toilet en 'n wasbak. Die tweede slaapkamer het 2 driekwartbeddens en 'n en suite-badkamer met 'n bad, stort, toilet en 'n wasbak. Elke slaapkamer het badhanddoeke, lugversorging en plafonwaaiers wat ideaal vir daardie warm somersdae is. Gaste moet hul eie swemhanddoeke saambring.

Die kombuis is met 'n gasstoof, elektriese oond, groot yskas-vrieskas, skottelgoedwasser, wasmasjien, mikrogolf, eetgerei en breekware toegerus. Die oopplan-leefarea beskik oor 'n etenstafel met oorgenoeg sitplek, gemaklike rusbanke, lugversorging en 'n plafonwaaier. Die huis is ook met vesel-internet, asook herlaaibare waaiers en ligte vir gtydens beurtkrag toegerus.

Die ruim stoep het 'n plafonwaaier en 'n etenstafel met sitplek vir 6 waar gaste kan ontspan en die pragtige natuurskoon kan inneem. Daar is 'n aparte braai-area langs die stoep en 'n swembad. Daar is ook 'n 2400 L Jojo-watertenk en die swembad is omhein.

Die huis grens aan parkland waar diere vrylik kan rondloop. Die huis is dus in 'n baie privaat en stil area met 'n verskeidenheid wilde diere wat gereeld 'n draai daar maak.

Kry ’n Kwotasie