SANParks Limpopo Forest Tented Camp

Tentekamp

Kapasiteit: 16 persone
Inkloktyd: 14:00 tot 17:00
Uitkloktyd: 10:00
Adres: Langs die R572, Mapungubwe Nasionale Park, Musina, 0900, Limpopo
Alle ouderdomme is welkom
Vanaf R1 429 per nag, vir 2 mense

Beskrywing

SANParks Limpopo Forest Tented Camp is in die Mapungubwe Nasionale Park naby Botswana en Zimbabwe geleë. Dié park bied ‘n ryk plantegroei, volop wild en ander besienswaardighede. Die park is ook ‘n Wêrelderfenisgebied.

Dié tentkamp is ideaal vir voëlkyk en skuil in die park se westelike deel, sowat 40 km van die hoofhek af. Dis naby die Maloutswa-pan Voëlkykskuiling en argeologiese besienswaardighede. Die kamp bied ‘n unieke eko-roete en ‘n swembad.

Daar is slaapplek in 8 ruim selfsorg-woudtente en elke tent het ‘n slaapkamer, en suite-stort, kombuisie, ‘n oop dek en braaigeriewe..

Mapungubwe se restaurant bied ‘n verskeidenheid op hulle spyskaart en aandetepakkies is op versoek beskikbaar. Daar is ook piekniekplekke, ‘n dagbesoekersentrum, Limpopo- en Shasherivier-uitkykpunte, boomtop-houtpaadjie en ‘n ouditorium waar opvoedkundige groepe of konferensies vir 50 gehou kan word.

Die Mapungubwe Interpretasiesentrum het in 2009 die Wêreldgebou van die Jaar by die Wêreldargitektuurtoekennings gewen en bied ‘n museum met verskeie antieke items wat deur argeoloë in die park opgegrawe is. Inligting oor die park se geskiedenis en biologie is ook in die sentrum beskikbaar en daar is opgeleide gidse wat besoekers deur die sentrum neem.

Kry ’n Kwotasie