Santorini A-Block Penthouse

Selfsorg

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Marine-rylaan 99, Margate, 4275, KwaZulu-Natal
Alle ouderdomme is welkom
Vanaf R3 000 per nag (plek vir 8)

Beskrywing

Santorini A-Block Penthouse is 'n moderne selfsorg-srandfrontwoonstel in 'n veilige kompleks in die hartjie van Margate. Die kompleks is stapafstand vanaf Margate se hoofswemstrand, Margate-pier, restaurante, vermaakgeriewe en winkels.

Dié dakwoonstel het slaapplek vir 10 gaste en beskik oor 4 slaapkamers met lugversorging en en suite-badkamers. Die hoofslaapkamer lei na na die balkon met asemrowende see-uitsigte en het 'n TV en 'n yskassie. Daar is 'n koninggrootte-bed en 'n en suite-badkamer met 'n bad, stort, wasbak en 'n toilet met 'n bidet. Die tweede en derde slaapkamers het koningingrootte-beddens en die en suite-badkamers het storte, wasbakke en toilette. Die vierde slaapkamer het 2 stapelbeddens en 'n en suite-badkamer met 'n stort-oor-bad, wasbak en 'n toilet. Linne en handdoeke word voorsien.

Die groot oopplan-leefarea met lugversorging het 'n volledig toegeruste kombuis, eetarea en 2 sitareas. Die kombuis is met 'n yskas-vrieskas, stoof, oond, mikrogolfoond, basiese eetgerei, breekware, tee- en koffiemaakgeriewe en 'n sentraal geleë ontbytarea met stoele toegerus. Daar is 'n skottelgoedwasser en wasmasjien in die aparte opwasarea. Die kombuis lei na die eetarea en verder na die sitarea met gemaklike rusbanke en 'n platskerm-TV met DStv. Daar is ook 'n lessenaar en 'n omsetter hou die TV, DStv en Wi-Fi tydens kragonderbrekings aan.

Die kombuis lei na 'n omheinde balkon wat as 'n onthaalarea dien. Dit het 'n gasbraai, 'n tweeplaatgasstoof en 'n Jacuzzi, en lei na 'n balkon wat deur manjifieke uitsigte oor die see omring word. Beide leef- en eetareas lei na 'n groot balkon met 180 grade-see-uitsigte.

Kry ’n Kwotasie