Sea Front self-catering

Selfsorg

Kapasiteit: 12 mense
Inkloktyd: 14:00 tot 20:00
Uitkloktyd: 10:00
Adres: Oranjestraat 1493, Hentiesbaai, 0000, Erongo
Alle ouderdomme is welkom
Vanaf R3 999 per nag (plek vir 12)

Beskrywing

Sea Front self-catering is 'n vakansiehuis op Hentiesbaai se strandfront in Namibië. Die verblyf bied 'n ongelooflike see-uitsig en is 'n goeie opsie vir 'n familie of 'n groep vriende wat saam vakansie wil hou.

Die vakansiehuis bied slaapplek aan 12 gaste en beskik oor 5 slaapkamers, 5 badkamers, 'n kombuis en 'n leefarea. Die hoofslaapkamer het 2 enkelbeddens en 'n en suite-badkamer met 'n bad, die tweede slaapkamer het 'n dubbelbed en sy en suite-badkamer het 'n bad, die derde slaapkamer het 'n koninggrootte-bed en 'n en suite-badkamer met 'n stort, die vierde slaapkamer het 1 dubbelbed en 2 enkelbeddens, en die vyfde slaapkamer het 2 enkelbeddens. Die vierde en vyfde slaapkamers deel 'n badkamer wat 'n bad en 'n stort het.

Die kombuis is met 'n yskas, gasstoof, 2 oonde, 'n mikrogolf, basiese eetgerei, breekware en tee- en koffiemaakgeriewe toegerus. Daar is 'n etenstafel en rusbanke in die leefarea. Skuifdeure bied toegang tot die balkon met buitemeubels. Daar is nog 'n etenstafel, asook braaigeriewe op die houtdek. Veilige parkeerplek is agter 'n afstandbeheerhek beskikbaar.

Kry ’n Kwotasie