Seepampoentjie

Selfsorg

Langtermynverblyf-aanbod 10% af

Kry 10% af vir verblyf wat 7 nagte of langer is. Hierdie aanbod is altyd geldig.

Kapasiteit: 2 persone
Inkloktyd: 14:00 tot 19:00
Uitkloktyd: 10:00
Adres: Rocket-singel 6, Britannica Heights, St Helenabaai, 7390, Wes-Kaap
Alle ouderdomme is welkom
Vanaf ~~R600~~ R540 per nag (plek vir 2)

Beskrywing

Seepampoentjie bied gerieflike selfsorgverblyf in 'n knus ateljeewoonstel op 'n woonerf waar die eienaars ook bly. Die perseel is Britannica Heights, St. Helenabaai en het 'n panoramiese uitsig oor die see en die hawe.

Dié eenheid het 'n privaat ingang en bied slaapplek aan 2 gaste. Daar is 'n koningingrootte-bed en 'n en suite-badkamer met 'n stort. Linne en badhanddoeke word voorsien, maar gaste moet asb. hul eie swemhanddoeke saambring.

Die kombuisie is toegerus met 'n ketel, tweeplaatstoof/oond, mikrogolf en 'n yskassie. Vriesgeriewe kan gereël word. Gaste kan hul maaltye saam om die etenstafel geniet en die eenheid het ook 'n TV met die volle DStv-pakket. Gratis WiFi is beskikbaar.

Die leefarea lei na 'n stoep met braaigeriewe en 'n uitsig oor die see en hawe. Veilige parkeerplek vir 1 voertuig is agter die hek beskikbaar.

Seepampoentjie is naby plaaslike strande, winkels, restuarante en die hawe en sowat 10 km vanaf die bekende Golden Mile- en Shelly Point-gholfbaan. Gaste kan op die strand ontspan, of tussen Augustus en November die walvisse en hul kalfies bewonder. Gedurende lente word die omgewing met pragtige veldblomme getooi.

Kry ’n Kwotasie