South 2 Sea Gonubie

Voeg by Gunstelinge

 

Beskrywing

Hierdie tweeslaapkamerkothuis is ingerig vir selfsorg en het 'n lieflike oopplan-uitleg. Elke slaapkamer het 'n koningingrootte-bed en daar is 'n dagbed wat in 2 enkelbeddens vir kinders omskep kan word in die sitkamer-area. Jy het jou eie parkeerplek op die perseel. Daar is 'n wonderlike onderdakbraaiplek. DStv is beskikbaar.

Die Klassieke kamer het 'n koningingrootte-bed, 'n volledige badkamer en 'n onderdakstoep. Dit het ook 'n kombuisie in die hoek met 'n yskassie, mikrogolfoond en 'n opwasbak. Dis heeltemal selfsorg en daar is veilige parkeerplek vir 1 voertuig.

Die Starlight-kamer het 2 enkelbeddens en 'n en suite-badkamer met 'n stort. Dis semi-selfsorg en het 'n kombuisie met 'n yskassie en 'n mikrogolfoond. Veilige parkeerplek vir 1 voertuig is beskikbaar en die kamer het nie 'n stoep nie.

Gaste is welkom om my te kontak as hulle enige navrae het. Ek bly op die perseel en sal albei partye help as daar enige vrae is. Dit is 'n stil woonbuurt. Ons is stapafstand (sowat 1,5 km) van die rotse af. Daar is nie 'n swemstrand by die rotse nie, maar mens kan daar visvang. Die swemstrand is sowat 4 km van South 2 Sea Gonubie af. Ons beveel aan dat jy 'n motor huur of met jou eie motor arriveer.

Alles is baie maklik as mens 'n motor het in Gonubie. Ons het kruidenierswinkels, slagters en klerewinkels. Oos-Londen is ook net 20 minute van ons af. As dit reën is dit lekker om 'n fliek te gaan kyk in Hemmingways Winkelsentrum en om bietjie "window shopping" te doen. Ons het ook lekker avonture vir die jongspan: die leeupark is sowat 20 km van ons af op die Stutt-pad en net entjie verder is daar ook 'n slangpark. Daar is ook wildplase in die omgewing (sowat 40 km van ons af) - onderneem gerus 'n wildrit. Ons het een van die beste plaasmarkte in Suid-Afrika, die Lavender Blue Market - jy moet definitief 'n draai maak daar om die bekende donker/mediumgeroosterde cappuccino's en suurlemoenskuimtert te proe.

Ons verwag van ons gaste om respek te hê vir ons en ons bure. Ons sal ook nie oormatige alkoholgebruik op die perseel duld nie, en enige breekskade wat toegeskryf kan word aan nalatigheid sal deur die gaste vervang moet word.

Kenmerke

  •  Braaiplek
  •  Veilige Parkering

Geriewe

  •  Braaiplek
  •  Kombuisgeriewe
  •  Satelliet-TV
  •  Selfsorg

Hier praat ons

  •  Engels

Parkeerplek

  •  Veilige Parkering

Kaart Meer oor die omgewing 

Gaste wat na South 2 Sea Gonubie gekyk het, het ook belangstelling getoon in die volgende lekke plekke:

Vanaf R550 per nag (plek vir 2)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za