by Stylish Living on the Water | LekkeSlaap

+24

Stylish Living on the Water

11 resensies

Selfsorg

Voorkeurvennoot
Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Thesen Island, Thesen Island, Knysna, 6571, Wes-Kaap
Alle ouderdomme is welkom
Vanaf R2 000 per nag(plek vir 4)

Beskrywing

Stylish Living on the Water is 'n woonstel op die Thesen Island-landgoed in Knysna wat van mensgemaakte eilandjies gemaak is.

Die verblyf het slaapplek vir 4 gaste en beskik oor 2 en suite-slaapkamers wat uitkyk oor die kanale. Dit is 'n dupleks met die leefarea en een slaapkamer bo, en die tweede slaapkamer en sonbrand dek onder. Die hoofslaapkamer het 'n koningingrootte-bed, terwyl die tweede slaapkamer 2 driekwartbeddens het. Een van die en suite-badkamers het 'n bad en n groot stort, terwyl die tweede badkamer net 'n stort het. Vir die kouer winters het die eenheid heerlike ondervloerverhitting in die kombuis en badkamers, sowel as verhitte handdoekrelings. Die eenheid word nie daagliks gediens nie, maar 'n skoonmaakdiens kan per versoek en teen 'n addisionele koste gereёl word.

Die woonstel is baie goed toegerus vir langer verblyf periodes. Die kombuis is ten volle toegerus met 'n yskas-vrieskas, 'n stoof, oond, mikrogolfoond, ketel, wasmasjien, tuimeldroër, droograk, skottelgoedwasser en kooktoebehore. Daar is kroegstoeltjies sodat mens by die kombuis kan eet. Die eenheid het 'n TV met DStv, sowel as WiFi. Die patio is groot met 'n lieflike Balinese tafel en 8 stoele. Die ingeboude braai is ruim en sal menige vuurtjies lekker sien brand terwyl mens oor die kanaal en bootjies kyk. 'n Praktiese toegvoeging is 'n ekstra toilet op die patio vir gaste. Daar is veilige onderdakparkeerplek vir 2 karre.

Die eenheid is stapafstand vanaf restaurante en winkels op die eiland, terwyl besienswaardighede soos die Featherbed Natuurreservaat, die Knysna Olifantpark, Knysnawoud en gholfklubs net 'n kort entjie se ry vanaf die eiland is.

Daar is 'n kajak met spane wat gebruik kan word. Die kanaal is 'n wonderlike, veilige swemarea.

Kry ’n Kwotasie