Summit Song

Selfsorg

Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: P15, Theseneiland, Knysna, 6571, Wes-Kaap
Alle ouderdomme is welkom
Vanaf R2 915 per nag (plek vir 6)

Beskrywing

Summit Song is 'n drieslaapkamerhuis op Theseneiland in Knysna. Die huis is oorkant die klubhuis wat 'n speelarea, tennisbane en basketbalbane het, asook 'n ankerplek vir bote. Die huis is stapafstand vanaf 'n privaat strand. Die huis het 'n omsetter en 'n gasstoof sodat gaste nie deur beurtkrag geraak word nie.

Hierdie smaakvol versierde huis het 3 en suite-slaapkamers. Die eerste slaapkamer het 'n koninggrootte-bed en 'n en suite-badkamer met 'n stort. Die tweede kamer het 2 enkelbeddens ne 'n en suite-badkamer met 'n bad. Die derde slaapkamer het 'n koningingrootte-bed en 'n en suite-badkamer met 'n stort. Die derde slaapkamer is in 'n kothuis op die boonste verdieping van die perseel.

Die oopplan-kombuis is vir selfsorg toegerus met 'n yskas, oond, stoof, mikrogolf, ketel, broodrooster en 'n koffiemasjien, asook 'n wasmasjien en 'n skottelgoedwasser. Die kombuis lei na die eetarea met 'n eetkamertafel en sitplek vir 8 gaste. Die sitarea het 'n TV met sekere DStv-kanale en WiFi word voorsien.

Daar is ook 'n gaskaggel en 'n binnebraai-area.

Kry ’n Kwotasie