+13

The Attic in Clarens

30 resensies

Selfsorg

Spesiale Aanbod 20% af

Kry 20% af (minimum twee nagte se verblyf). Geldig vanaf 18 Jan 2021 tot 31 Jan 2021.

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Hoofstraat 222, Clarens, 9707, Vrystaat
Geen kinders onder 6
Vanaf ~~R1 640~~ R1 312 per nag (vir 4 persone)

Beskrywing

Die eertydse tuiste van 'n bekende Suid-Afrikaanse kunstenaar, The Attic in Clarens, is 'n bekoorlike selfsorgwoonstel wat ideaal geleë is in die hoofstraat van Clarens, slegs 'n kort entjie se stap vanaf die dorpsplein. Dit is gerieflik geleë op die eerste verdieping en daarom ongelukkig nie rolstoelvriendelik nie. Dit is die ideale plek om te ontspan en die beeldskone natuurskoon te geniet met uitsigte oor die bome en berge.

Die woonstel het gemaklike slaapplek vir 4 gaste en het 1 oopplan-slaapkamer, 1 badkamer en 'n oopplan-kombuisie en -leefarea. Die slaapkamer het 'n koningingrootte-bed. Daar is 2 enkelbeddens in die leefarea. Al die beddens is opgemaak met perkallinne en daar is elektriese komberse en ekstra komberse vir koue winteraande. Die volledige badkamer het 'n bad en 'n aparte stort.

Die kombuisie is goed toegerus vir selfsorg met 'n yskas-vrieskas, 'n gasstoof, en oond, 'n mikrogolfoond, 'n elektriese ketel, broodrooster, breekware, eetgerei en ander toebehore wat jy sou benodig tydens jou verblyf. Die leefarea beskik oor 'n TV met sekere DStv-kanale (gastehuispakket). Daar is onderdakparkeerplek op die perseel. Braaigeriewe is beskikbaar op die balkon.

Kry ’n Kwotasie