The View on Vaal Resort

Oord

Kapasiteit: 332 mense
Inkloktyd: 15:00 tot 17:00
Uitkloktyd: 10:00
Adres: Minnaarstraat, Vaalpark, Sasolburg, 1947, Vrystaat
Alle ouderdomme is welkom
Vanaf R900 per nag (plek vir 2)

Beskrywing

The View on Vaal Resort is in Vaalpark, Sasolburg, sowat 82 km vanaf Johannesburg geleë. Die skilderagtige venue is die ideale ontspannende vakansiebestemming met eenhede op die oewer van die majestueuse Vaalrivier.

Die oord bied verskeie chalets met slaapplek vir 2 tot 4 gaste, gesinseenhede en selfsorghuise wat geskik is vir langtermynverblyf. Al die eenhede het slaapkamers met óf 'n dubbelbed, enkelbed of stapelbed, en 'n badkamer met óf 'n stort óf bad.

Die oopplan-kombuise is met 'n yskas-vrieskas, 'n konveksie-oondjie met 'n tweeplaatstoof, mikrogolfoond, broodrooster, eetgerei, breekware, en tee- en koffiemaakgeriewe toegerus. Die sitareas het twee stoele en 'n platskerm-TV. Gratis WiFi is ook beskikbaar. Die deure lei na die privaat stoep en braaigeriewe buite.

Daar is 3 groot swembaddens en wonderlike visvangplekke tussen groot eike- en wilgerbome. Daar is ook braaigeriewe en veilige parkeerplek op die perseel beskikbaar.

Kry ’n Kwotasie