Tree Tops Self-catering Accommodation

Tree Tops Self-catering Accommodation is op Mac's Crest-plaas sowat 3,5 km vanaf die N4 en 15 minute vanaf Pretoria-Oos geleë. Gerieflike selfsorgverblyf word in 4 eenhede met panoramiese uitsigte oor die vallei gebied. Die plaas bied maklike toegang tot plaaslike trouvenues en dis sowat 1 km vanaf Rosemary Hill wat gewilde bergfiets- en voetslaanroetes en 'n restaurant bied. Tree Tops bied privaatheid en ontspanning en dis ideaal vir paartjies, gesinne of groepe.

Tree Tops Nest word omring deur inheemse doring- en stinkhoutbome en dit bied panoramiese uitsigte oor die vallei en asemrowende sonsondergange. Die verhewe oopplan-eenhe…

Sien meer

Tree Tops Self-catering Accommodation is op Mac's Crest-plaas sowat 3,5 km vanaf die N4 en 15 minute vanaf Pretoria-Oos geleë. Gerieflike selfsorgverblyf word in 4 eenhede met panoramiese uitsigte oor die vallei gebied. Die plaas bied maklike toegang tot plaaslike trouvenues en dis sowat 1 km vanaf Rosemary Hill wat gewilde bergfiets- en voetslaanroetes en 'n restaurant bied. Tree Tops bied privaatheid en ontspanning en dis ideaal vir paartjies, gesinne of groepe.

Tree Tops Nest word omring deur inheemse doring- en stinkhoutbome en dit bied panoramiese uitsigte oor die vallei en asemrowende sonsondergange. Die verhewe oopplan-eenheid skuil tussen bome en dis die ideale plek om voëls te kyk. Die eenheid beskik oor 'n sitkamer, 'n koningingrootte-sleebed, 'n en suite-badkamer met 'n stort en 'n volledig toegeruste kombuis.

Tree Tops House is 'n gerieflike tweeslaapkamerhuis in 'n pragtige tuin met 'n lieflike uitsig oor die vallei. Gaste kan sonsondergange van die groot stoep af geniet. Daar is 2 badkamers, 'n groot kombuis, eetarea, sitkamer en 'n groot tuin met braaigeriewe en tuinmeubels.

Tree Tops Suites bied verblyf in 2 ruim suites. Elke suite het 'n dubbelbed, 'n en suite-stort, tee- en koffiemaakgeriewe, 'n yskas en 'n sitkamerarea.

Treetops bied slaapplek aan 12 gaste en is sowat 25 minute vanaf Hatfield Gautrain-stasie en sowat 45 minute vanaf O.R. Tambo Internasionale Lughawe. Nabygeleë trouvenues sluit Die Akker, L'Aquila Country Estate en Mooiplaatsie Country Estate in.