Victoria Heights B&B

Voeg by Gunstelinge

 

Beskrywing

Victoria Heights B&B bied gerieflike akkommodasie in 'n Kaap-Hollandse huis met 'n elegante en bekoorlike voorkoms. Dit is ideaal vir sakelui en vakansiegangers. Victoria Heights B&B is in die hartjie van die Tuinroete geleë, tussen Victoriabaai en die Garden Route Mall.

Daar is 8 luukse en bekostigbare en suite-kamers (luukse kamers en standaardkamers). Al die kamers is ruim, skoon en netjies en beskik oor 'n 40" TV met DStv, WiFi, koffie- en teeskinkbord, toiletware, linne, handdoeke en verwarmers. Die reuk van vars, geurige koffie vul die ontbytkamer, waar 'n volledige Engelse ontbyt en 'n buffet bedien word met vrugte, jogurt, ontbytgraan en brood. Gaste kan die uitsig van die tuin en fonteintjie geniet terwyl hulle aan die heerlike ontbyt smul. Gaste het ook toegang tot die braai-area onder die reuse bome en braaipakke is beskikbaar teen 'n addisionele koste.

Word wakker met die haan wat kraai en luister dan hoe die voëltjies die res van die dag sing. Jy mag dalk 'n ponie of 2 voor jou deur sien wei of selfs 'n blouapie raaksien. Victoria Heights B&B nooi gaste om die rus en vrede van die ideale vakansie-akkommodasie vir ouers en kinders te kom geniet. Kinders kan op die ponies ry en in die swembad baljaar. Die personeel by Victoria Heights B&B is vriendelik en behulpsaam en lewer topgehalte-diens. Daar is ook veilige parkeerplek en gratis WiFi. 'n Pendeldiens na die lughawe kan ook gereël word teen 'n addisionele koste. Victoria Heights B&B kan ook as 'n konferensielokaal vir tot 30 afgevaardigdes gebruik word.

Kaart Meer oor die omgewing 

Gaste wat na Victoria Heights B&B gekyk het, het ook belangstelling getoon in die volgende lekke plekke:

Vanaf R900 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za