Villa in Santareme

Gastehuis

Kapasiteit: 6 mense
Inkloktyd: 13:00 tot 19:00
Uitkloktyd: 11:00
Adres: Sardinia-weg 67, Santareme, St. Francisbaai, 6312, Oos-Kaap
Alle ouderdomme is welkom
Vanaf R3 000 per nag (plek vir 6)

Beskrywing

Villa in Santareme is 'n dubbelverdieping-vakansiehuis met 'n pragtige berg- en see-uitsig. Dis in 'n doodloopstraat in Santareme in St. Francisbaai. Die area is die tuiste van talle diere en dis ideaal vir diegene wat op soek is na 'n rustige wegbreekplek.

Die vakansiehuis bied slaapplek aan 6 gaste en beskik oor 3 slaapkamers, 2 badkamers, 'n kombuis en 'n leefarea. Die hoofslaapkamer het 'n dubbelbed en 'n en suite-badkamer met 'n bad. Die tweede kamer het ook 'n dubbelbed en die derde kamer het 2 enkelbeddens. Gaste in dié kamers deel 'n badkamer met 'n stort, toilet en 'n wasbak.

Die kombuis is bo en dit is met 'n yskas, gasstoof, oond, mikrogolfoond, broodrooster, skottelgoedwasser, wasmasjien, tuimeldroër, basiese eetgerei, breekware en tee- en koffiemaakgeriewe toegerus. Die oopplan-sitarea het 'n rusbank en 'n platskerm-TV. Die skuifdeure lei na die balkon met 'n etenstafel, stoele en braaigeriewe. Veilige parkeerplek is op die perseel beskikbaar.

Kry ’n Kwotasie