Marlothpark Akkommodasie by Visarend's Roep | LekkeSlaap

+38

Visarend's Roep

7 resensies

Selfsorg

Langtermynverblyf-aanbod 10% af

Kry 10% af vir verblyf wat 5 nagte of langer is. Hierdie aanbod is altyd geldig.

Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Geelslangweg 2272, Marlothpark, 1321, Mpumalanga
Alle ouderdomme is welkom
Vanaf ~~R1 500~~ R1 350 per nag (vir 8 persone)

Beskrywing

Visarend's Roep is in Marlothpark, 'n 30 ha-wildreservaat en -vakansiedorp aan die oewer van die Krokodilrivier. Dit grens aan die suide van die Krugerwildtuin en is tussen Malelane en Komatipoort.

Die huis bied slaapplek aan 8 en het 2 slaapkamers en 'n solder. Die slaapkamers het lugversorging en dubbelbeddens. Die solder het 'n dubbelbed, 2 enkelbeddens en ‘n buitedeur na 'n houtdek met ‘n pragtige uitsig oor die ongerepte natuur. Daar is 1 badkamer met 'n stort, toilet en wasbak. Linne en handdoeke word voorsien. Gaste moet egter hul eie swemhanddoeke bring. Geen fooi word gehef vir kinders 2 jaar en jonger nie.

Die kombuis is toegerus met 'n tweeplaatstoof, oond, yskas-vrieskas, mikrogolfoond, koffie- en teemaakgeriewe, eetgerei, breekware, potte en panne, ens. Die sitkamer het gemaklike sitplek en 'n TV. Gaste moet egter hul eie dekodeerder en slimkaart bring.

Daar is 'n heerlike stoep met 'n ingeboude braai waar gaste om die vuurput onder die sterrehemel kan kuier. Die verfrissende swembad is ideaal vir dié wat 'n lang dag met 'n drankie wil afsluit. ‘n Verskeidenheid diere soos koedoes, sebras, kameelperde, rooibokke, bosbokkies, duikers, wildebeeste, vlakvarke, bobbejane, apies en nagapies beweeg vrylik tussen die huise rond.

Marlothpark spog met 'n hele rits doendinge soos stap, swem, wildritte en 4x4-roetes. Die Henk van Rooyen-kampeerterrein het 'n tennisbaan en 'n swembad. Daar is ook ‘n waterpark by die Bush Centre waar die hele gesin kan baljaar. Gaste kan hul bergfietse bring om die roetes te verken, of al langs die heining gaan wandel.

Marlothpark het 2 winkelsentrums wat in al gaste se basiese behoeftes voorsien. Winkels in die sentrums sluit 'n slaghuis, kruidenierswinkel, vulstasie en restaurante in.

Kry ’n Kwotasie