Vêrgenoeg

4.8

Sien 1 resensie

10 gaste

5 slaapkamers

8 beds

3 badkamers

10 gaste
Alle ouderdomme is welkom
Inkloktyd: 14:00 tot 19:00
Uitkloktyd: 11:00
12 Periwinkel Crescent, Bosbokduin Private Nature Reserve, Still Bay West, 6674, Wes-Kaap Sien kaart

Beskrywing

Vêrgenoeg is 'n lieflike, ruim grasdak-selfsorgvakansiehuis in die Bosbokduin Privaat Natuurreservaat wat net 1 km van Stilbaai-Wes af is. Hiér kan gaste die perfekte gesinswegbreek geniet en die alledaagse gewoel agterlaat terwyl hulle die pragtige see-uitsig bewonder.

Die huis bied slaapplek aan 10 gaste en beskik oor 5 slaapkamers en 3 badkamers. Die hoofslaapkamer het 'n dubbelbed en 'n en suite-badkamer met 'n bad en 'n stort. Daar is nog 3 slaapkamers wat elk 2 enkelbeddens het en die vyfde slaapkamer het 'n dubbelbed. Die ander 2 badkamers het elk 'n stort, wasbak en 'n toilet. Alle linne en badhanddoeke word voorsien, maar gaste moet hul eie strandhanddoeke saambring.

Die oopplan-leefarea beskik oor 'n kombuis wat met 'n stoof, oond, mikrogolfoond, yskas-vrieskas, eetgerei, breekware en tee- en koffiemaakgeriewe toegerus is. 'n Skottelgoedwasser en 'n wasmasjien is ook beskikbaar. Die kombuis lei na 'n etenstafel en 'n sitarea met gemaklike rusbanke en 'n platskerm-TV met DStv. Gratis WiFi is beskikbaar.

Die huis het ook 'n binnebraai, 'n pooltafel en 'n omsetter vir wanneer beurtkrag plaasvind. Buite is daar 'n groot voorstoep met 'n pragtige sonsondergang oor die see en aan die agterkant is daar 'n groot grasperk waar kinders lekker kan speel.

Die reservaat spog met 'n privaat strand en is naby die Stilbaai Gholfbaan en die pragtige Skulpiesbaai Natuurreservaat geleë. Hierdie rustige omgewing bied eindelose geleenthede vir verken en gehaltegesinstyd. Wild loop vrylik in hierdie idilliese en veilige reservaat rond, wat dit die ideale bestemming vir 'n gesinswegbreek maak.

Bespreek