Vuurvliegie

Voeg by Gunstelinge

 

Beskrywing

Vuurvliegie is in die Marloth Park-bewararea geleë en grens aan die Krokodilrivier en die suidelike deel van die Krugerwildtuin.

Dié oopplan-grasdakboomhuis het slaapplek vir 2 persone. Vuurvliegie het 'n oopplan-uitleg met 'n slaaparea, badkamer, leefarea en 'n kombuis. Die kombuis is ten volle toegerus met 'n mikrogolfoond, klein yskas-vrieskas en gasoond en -stoof. Daar is ook 'n groot tafel met 6 stoele in die kombuis. Die slaapkamer het 'n dubbelbed met 'n muskietnet en die badkamer beskik oor 'n bad, wasbak, toilet, haardroër en handdoeke. Linne word voorsien, maar gaste moet asseblief hulle eie swemhanddoeke saambring indien hul van ons plonspoel gebruik wil maak.

Die sitarea het gemaklike rusbanke en 'n koffietafel waarby gaste die talle boeke en tydskrifte uit ons boekrak kan sit en lees. Die huis het 'n plafonwaaier, asook 'n lugversorger wat nuttig is tydens warm somersdae. Die buite-badkamer het 'n stort, wasbak en 'n toilet.

Die huis het ook 'n dek reg rondom met 'n eetkamerstel en 'n gemaklike bankie met sitplek vir 2 waar gaste wild kan besigtig of waar jy tot laat na die naggeluide kan sit en luister. Gaste kan wild soos koedoes, impalas, rooibokke, blouwildebeeste, volstruise, vlakvarke en kameelperde hiervandaan dophou. Verder het gaste ook toegang tot 'n plonspoel en 'n boma-area met 'n hangmat. Die boma-area is toegerus met 'n vuurput vir vleisbraai of 'n kuiervuurtjie. ('n rooster word voorsien). Vir 'n romantiese atmosfeer bied Vuurvliegie heelwat lanterns wat aangesteek kan word.

Daar is verskeie doendinge in en om Marloth Park. Ons is naby die Malelane- en Krokodilbrughekke vir 'n daguitstappie na die Krugerwildtuin. Drink 'n skemerkelkie of hou piekniek by een van die uitkykpunte langs die Krokodilrivier, of speel 'n potjie gholf by Komatipoort. Daar is heelwat restaurante en eetplekke in Marloth Park wat ons kan aanbeveel. (Kyk gerus in ons prospektus met jou aankoms). Boskombuis se melktert is 'n moet! Hulle is in Marloth se "Bush"-sentrum geleë. Vir die meer avontuurlustige paartjies is daar vierwielmotorfietse wat by hek gehuur kan word of jy kan jou fiets saambring en die roete langs die draad teen die Krokodilrivier gaan ry waar heelwat verrassings op jou wag.

Slaapplek

'n Bespreking by Vuurvliegie sluit in:

1 x Dubbelbed

Kenmerke

  •  Afrikaans
  •  Swembad
  •  Braaiplek
  •  Veilige Parkering

Aktiwiteite Naby

  •  Kunsvlieghengel
  •  Visvang
  •  Baarshengel
  •  Groot 5
  •  Voëlkyk
  •  Fietsry
  •  Wildritte
  •  Wildkyk
  •  Begeleide Wandelpaaie
  •  Bergfietsroetes
  •  Swem

Badkamer

  •  Bad
  •  En-suite
  •  Aparte Toilet
  •  Stort
  •  Seep

Elektriese Toebehore

  •  Yskas
  •  Haardroër
  •  Strykyster
  •  Mikrogolfoond
  •  Oond
  •  Stoof

Geriewe

  •  Swembad
  •  Braaiplek

Hier praat ons

  •  Afrikaans

Konferensiegeriewe

  •  Lugversorging

Parkeerplek

  •  Veilige Parkering
  •  Onderdakparkering

Vermaak

  •  Boeke en Tydskrifte

Kaart Meer oor die omgewing 

Gaste wat na Vuurvliegie gekyk het, het ook belangstelling getoon in die volgende lekke plekke:

Vanaf R980 per nag (plek vir 2)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za