Wechmarshof

Selfsorg

Kapasiteit: 12 mense
Inkloktyd: 14:00 tot 19:00
Uitkloktyd: 10:00
Adres: R310, Wechmarshof-landgoed, Banhoek Stellenbosch, 7600, Wes-Kaap
Alle ouderdomme is welkom
Vanaf R6 600 per nag (plek vir 4)

Beskrywing

Wechmarshof poog om 'n harmonieuse natuurlike omgewing vir besoekers te bied om 'n unieke en aangename ervaring te geniet. Die plaas is geleë aan die voet van Joubert's Peak in die Simonsberg-bergreeks in die rustige Banhoekvallei, Stellenbosch. Hierdie verblyf bied ruim en gerieflike selfsorg-eenhede wat ideaal vir gesinne of groepe vriende is.

Daar is 2 huise beskikbaar: Huis Balderjan wat slaapplek aan 8 gaste bied en Huis Num Num wat slaapplek aan 4 gaste bied. Huis Balderjan beskik oor 4 slaapkamers en 3 badkamers terwyl Huis Num Num 2 slaapkamers en 2 badkamers het. Die slaapkamers het of 'n koninggrootte-bed of 2 enkelbeddens. Die badkamers het 'n bad en 'n stort of slegs 'n stort. Gehaltelinne, badhanddoeke en toiletware word voorsien.

Elke eenheid het 'n oopplan-kombuis wat met 'n yskas-vrieskas, mikrogolf, oond, gasstoof, eeetgerei, breekware en tee- en koffiemaakgeriewe toegerus is. Die leefarea in elke eenheid het 'n TV met satellietkanale, gemaklike sitplek en 'n kaggel.

Elke eenheid het 'n onderdakstoep met sitplek buite en braaigeriewe. Gratis WiFi en veilige parkeerplek is beskikbaar. Die groot verskeidenheid inheemse bome en plante op die eiendom dien as 'n habitat vir talle wildspesies soos springbokke, steenbokke, ystervarke, wildekatte, muishonde en Kaapse genet, sowel as kleiner diertjies, wat dit 'n ideale plek vir natuurliefhebbers maak.

Kry ’n Kwotasie