Verified Reviews
Cape Karoo
All reviews have been left by LekkeSlaap customers staying in Cape Karoo
Rated 4.5 out of 5 based on 1836 reviews.
"Benodig nog 'n kruideniersware-handelaar om pryse te stimuleer, Spar is uiters duur."
"Die sterrrekyk by planetarium was die moeite werd. Aanbieding was uitstekend."
"Prince Albert is an unexpected oasis of charm and culture that evokes the best features of a bygone era."
"Quality food at Die Meule restaurant & star gazing at Sterland was educational, fun & amazing."
"Die dorpie is pragtig skoon met voldoende winkels. Die ou huisies is pragtig in stand gehou en ons het dit geniet om daarna te kyk. Die Swartbergpas en Meiringspoort is byderhand om die natuur te geniet! Ons is voëlkykers en was nie teleurgesteld met die verskeidenheid nie. Ons het Prins Albert tevore besoek en sal dit weer doen!"
"Moeilik om regverdige kommentaar te lewer. Ons was veels te kort daar. Moes ten minste nog 'n nag of twee oorgebly het. Die tyd was nie reg vir 'n besigtigingstoer nie en die teater was ook nie oop nie. Die persoon wat spookstories vertel was met vakansie. Sal graag weer wil gaan en hoop om meer te kan doen."
"Het die Boorgat-restaurant baie geniet. Die Planatrium was nie 'n unieke of wow ervaring gewees nie."
"Ek sal graag eendag daar wil aftree. Die plaaslike mense is vriendelik, die omgewing pragtig. Definitief 'n plek waar mens jou battery kan herlaai."
"Dis 'n prentjiemooi dorpie - dalk nie vir almal nie. Daar is beperkte besighede, maar as jy na stilte en Karoo-rustigheid soek, is hierdie die plek vir jou. Dit maak mens weer mens!"
"Sutherland is 'n gasvrye, skoon dorp, maklik bereikbaar met 'n goeie teerpad vanaf Matjiesfontein. 'n Besoek, op afspraak, aan die NG Kerkgebou, is regtig interessant, onder leiding van Darius. Vra by enige gastehuis, hulle sal sy kontaknommer kan verstrek. Ongelukkig was ons baie teleurgesteld met die dorp se Stargazing-program, omdat ons onder die indruk was dat die gehalte van die teleskoopbeelde baie beter sou wees. Die aanbieder klink goed ingelig, maar die toerusting tot sy beskikking skiet regtig tekort. Besoekers word ook nie toegelaat by die planetarium buite die dorp nie, wat net eenvoudig onaanvaarbaar is. Sutherland is immers sinoniem met sterrekyk, en daarvan was daar nie regtig sprake nie, is ek jammer om te sê."
"As jy nog nie die Karoo se uitsonderlike unieke natuurskoon en die mense se gasvryheid ervaar het nie mis jy 'n groot deel van SA."
"Vir die klein koue plek is daar genoeg om te doen en te sien vir 'n dag. Die inwoners se harte is warm. Ons gaan gewis weer daarheen wanneer SALT weer open vir toeriste."
"'n Mooi, skoon dorpie in 'n pragtige omgewing! Die Swartbergpas en Gamkaskloof is 'n moet vir enige toeris!"