Geverifieerde Resensie
Karoo
Al die resensies is deur LekkeSlaap-gaste geskryf wat in Karoo bespreek het
Hierdie plek het 'n gemiddeld van 4.2 uit 5 gekry volgens 11431 resensies.
"Prins Albert is 'n pragtige en baie skoon, netjiese dorpie. Net jammer dat die meeste van die restaurante baie vroeg toemaak, wat dit moeilik maak vir moeë toeriste wat ver gereis het en verversings gaan soek."
"De Rust is 'n juweeldorp in die Klein-Karoo en beslis 'n oorslaap werd. Ons het heerlik in die woonbuurt gaan stap; in Meiringspoort gaan draf en daar is velerlei interessante eetplekke."
"Baie geskiedenis en oulike plekkies. Nie vir tieners vir langer as twee dae."
"Alhoewel die plaaslike gemeenskap goeie pogings aanwend om die dorpie aantreklik te maak vir reisigers en toeriste, is daar ook duidelike agteruitgang met betrekking tot die dorp se infrastruktuur. Strate is vuil en die ry oppervlakte is in swak toestand."
"Plenty places to stay overnight. Neat accessible garages. Convenience stops. Padstal/farmstall. Takeaways. Better than most of the other towns you drive through between Bloemfontein and George/Mosselbay."
"Leeu-Gamka bied nie veel nie, behalwe natuurlik mede-menslikheid. Ons waentjie se wiel het uitgeval en ons is dadelik deur die inwoners van Leeu-Gamka gehelp. Ons het dadelik tuis gevoel en veilig."
"Moet beslis op jou emmerskop lys kom. Rustige plek met baie juweeltjies om ontdek te word."
"Die Chris Barnard museum is iets om te sien maar teen R100 pp is dit nie die moeite werd nie. Die strate is ook nie meer so veilig en skoon nie."
"Die Bloudeur Restaurant is 'n moet stop as jy deur Aberdeen gaan. Heerlike bekostigbare kos, vriendelike diens en onvergeetlike ervaring."
"Pragtige dorp met mooi geboue en natuurlik die Christiaan Barnard museum, wat enige toeris moet besoek."
"Die ervaring by die dam was ongelooflik. Die dam het oorgeloop en al 15 sluise was oop. Die konstruksie van die wal is uiters besonders en toeriste sal baat om hierdie ingenieurswerk te kan aanskou. Voorwaar 'n besonderse mensgemaakte wonder. Dit sou heerlik wees om meer tyd daar te kon spandeer."
"Pragtige, goed versorgde dorpie. Heerlike ontbyt by die Swartberg Hotel en uitstekende kos en diens by die La Di Dah restaurant. Pragtige winkeltjies. Absoluut die moeite werd om te besoek."