Geverifieerde Resensie
West Coast
Al die resensies is deur LekkeSlaap-gaste geskryf wat in West Coast bespreek het
Hierdie plek het 'n gemiddeld van 4.5 uit 5 gekry volgens 6672 resensies.
"Dwarskersbos het die laaste paar jaar geweldig uitgebrei, met rye en rye vakansiehuise en nog baie meer ontwikkelings wat beplan word. Dit is dus nie meer die piepklein, doodstil Weskusdorpie wat dit eens was nie. Die strande is egter steeds toeganklik en mens kan baie ver stap op die wit sand. Daar is oulike restaurante in Velddrif, bv Teyana's is op die rivier met 'n pittige musikant en lekker kos. Halfpad Velddrif toe is So-verby restaurant - 'n juweel met 'n lieflike see-uitsig, lekker kos en pragtige kunswerke. Ry gerus Lambertsbaai se kant toe en stop by die Skooltjie Padstal vir plaaslike produkte. Vars vis kan gekoop word by die NOSSAP winkels in Velddrif, maar as hulle toe is (bv. Saterdagmiddag en Sondae) kan die gevriesde vis by die gerieflike Velddrif Spar aanbeveel word. Die Spar het goeie kwaliteit vrugte, groente en wye verskeidenheid kruideniersware. Die gawe mense by Dwarskersbos se plaaslike Mini Mark het ook basiese benodighede bv. hout en roomys."
"Pragtige dorpie en daar is baie interessante 'dinge' om daar te doen asook in die omgewing. 'n Mens kan maklik uit ry na ander dorpe in die omgewing."
"Baie naby aan 'n paar strande. Lekker in die middel. Sukkel net om 'n ordentlike winkel op Sondae en later in die dag te kry."
"Restaurante se kos is lekker en diens is baie goed. Blikkie pizza vra R40 vir dubbel espresso, R20 vir single! Dit werk nie so nie, dubbel espresso net R30. Vra by ander top restaurante! Gaaitjie was fantasties! Kos en diens en tafel! Breakfast om die draai van Strandlopertjie was ook baie goed! "
"Die Birds Island en Muisbosskerm is 'n moet, maar 2 dae maksimum is genoeg in Lambertsbaai."
"The only upsetting part of Paternoster is the lack of control on the sale of crayfish. Soon there will be nothing left there!"
"Dit was soos altyd n lekker wegbreek. Julle sal my gou weer sien'. "
"St. Helenabaai is 'n ongelooflike plek met mense wie se harte warm klop vir ander. Die ongerepte natuur en seelewe is voorwaar iets om na uit te sien. Dis gepas vir toerisme, asook 'n aftreeplek."
"Yzerfontein was nog altyd en sal altyd my gunstelingplek aan die Weskus bly. Lekker stil en sentraal na ander Weskusdorpe"
"Sleepy hollow. A beautiful small town with a fantastic Spar and necessary stores you will need when on a holiday as the need arise. The beaches are clean and safe as far as I know."
"Wou graag langer gebly het. Die bedelaars word 'n oorlas maar verder is dit 'n besonderse plek."
"Dis 'n pragtige vakansiebestemming met 'n pragtige strand en alles is loopafstand. Daar is oulike winkels en voortreffende restaurante waar almal baie lekker sal kuier."
"Beste Weskusdorpie met wonderlike mense en Weskuskultuur. Heerlike kos. Plek om altyd na terug te gaan. "