+89

Selfsorg in Paternoster

Nosterdomus

4.7

Sien 16 resensies

6 gaste

3 slaapkamers

3 beds

2 badkamers

6 gaste
Alle ouderdomme is welkom
Inkloktyd: 14:00 tot 17:00
Uitkloktyd: 10:00
11 Schoonerklip Street, Paternoster, 7381, Wes-Kaap Sien kaart

Beskrywing

Nosterdomus beteken "Ons Huis" in Latyn. Dié luukse huis is in Paternoster, 'n gewilde toeristebestemming met wêreldbekende restaurante, geleë en bied die geleentheid vir kajakvaart, dolfyn- en walviskyk en diepseehengel.

Dié huis het 3 pragtig versierde slaapkamers. Daar is 3 dubbelkamers. Die hoofslaapkamer het 'n en suite-badkamer met 'n stort en daar is 'n gesinsbadkamer wat die gaste in die ander 2 slaapkamers deel met 'n bad en stort. Die hoofslaapkamer en een van die ander kamers bied 'n see-uitsig.

Gaste kan ook 'n lieflike see-uitsig vanuit die sitarea geniet. In die winter kan gaste lekker met 'n boek by die knetterende vuurtjie in die sitarea se kaggel ontspan. Die oopplan-kombuis is met 'n yskas, mikrogolfoond, stoof, oond en koffie- en teemaakgeriewe toegerus. Buite is daar 'n klein plonspoel waarin gaste kan afkoel.

Die dorpie is sowat 150 km vanaf Kaapstad op die R27, en 15 km noordwes van Vredenburg geleë. Dit is 'n gunsteling naweekbestemming. Die Weskus is bekend vir sy ryk verskeidenheid dier- en plantspesies en die groot endemiese plantegroei wat die Weskus 'n baie spesiale plek vir veldblomliefhebbers maak.

Bespreek