Geverifieerde Resensie
Clarens
Al die resensies is deur LekkeSlaap-gaste geskryf wat in Clarens bespreek het
Hierdie plek het 'n gemiddeld van 4.7 uit 5 gekry volgens 2984 resensies.
"Clarens is 'n kuierdorpie. Baie winkels is interessant om na te kyk en 'n mens kry gewoonlik nie tyd om so te kuier in 'n dorp op 'n gewone naweek by die huis nie. Daar is ook 'n paar stalletjies langs die pad wat ons geniet het. Golden Gate was ook fantasties om weer te sien."
"Die Sondagoggend-kerkdiens om 6:15 was die hoogtepunt oor die Paasnaweek. Ons het tuis gevoel tussen al die vriendelike mense en tee en hot cross buns na die diens geniet. Baie dankie aan al Clarens se mense wat dit spesiaal gemaak het."
"Clarens is 'n wonderlike plek om te gaan vir 'n langnaweek. Die mooi natuur en rustigheid doen die siel goed. Dit is een van my en my man se gunsteling-bestemmings."
"Clarens is puik. Dit was 'n baie goeie ervaring. Golden Gate was vir my baie wonderlik."
"Love the natural beauty of the area. Clarens is a must for folk who like to shop in quaint little shops. "
"Ideale plek om te kom uitspan. Lekkerste eetplekke en baie koopplekke. Die omgewing en natuurskoon is onbeskryflik."
"Pragtige dorpie, rustig en alles wat jou laat vergeet van al die stres by jou werk."
"Clarens is 'n pragtige plek met baie om te sien en baie plekke om te eet en kuier. Sal wragtig weer gaan."
"Baie interessante dorpie. Aangenaam om daar rond te loop en alles te besigtig. Kan pragtige aandenkings en ander artiekels aankoop. Oulike resturante, veral die heerlike wafels, pannekoeke en melkskommels!"
"Wens net ek het meer geld gehad om uit te gee op al die mooi goete wat my ogies gesien het. Dit is 'n wonderlike plek met al die nodige fasiliteite."
"Pragtige dorpie met die lekkerste snuffelwinkels. Het 'n plaasgevoel ervaar met al die windpompe en kuierplekkies daar."
"Puik! Onthou dat Clarens ook gebuk gaan onder beurtrag. Dit kan nogal mens se beplanning omvergooi."
"Skoon en netjiese dorp. Baie vriendelike inwoners en winkeleienaars. Pragtige natuurskoon. Sal dit sterk aanbeveel."
"Clarens is 'n baie lekker dorpie. Ons dreig al lankal om daar om te gaan en het dit goed gedink om sommer op pad terug van die see af daar om te gaan. Dit is wel nie 'n plek wat toegerus is vir baie jong kinders nie. Alhoewel ons definitief weer daar 'n draai sal maak, sal ons sonder die kinders gaan. Dis 'n lieflike dorpie en ons het nie naastenby genoeg tyd daar spandeer nie."
"Kan dalk bietjie meer aandag gee aan winkels wat daaglikse produkte verkoop. Bietjie gesukkel met basiese huishoudelike aankope - veral groete en vrugte en suiwelprodukte."
