Verified Reviews
Namaqualand
All reviews have been left by LekkeSlaap customers staying in Namaqualand
Rated 4.3 out of 5 based on 1074 reviews.
"Moet nie enige dorpie in die Namakwaland misloop nie, stop en gaan die klein plattelandse winkeltjies binne. Doen goeie navorsing vroegtydig en doen navraag by plaaslike inwoners en inligtingsentrums. Nieuwoudtville en Garies se inligtingsentrums is uitstekend. Besoek hulle en beplan jou blomme besigtiging volgens hulle voorstelle."
"Die verblyf is oor die algemeen buitensporig duur vir die tipe verblyf."
"Namakwaland het veel veel meer as net blomme om te deel. 'n Mooi mooi deel van ons land."
"Baie naby aan al die blom lokaliteite. Naby ook aan Richtersveld. Kan ook maklik weer voorrade aanvul."
"Kamieskroon is baie sentraal geleë, ons kon maklik na die Namakwaland natuur reservaat, Leliefontein, Springbok en Gamoep natuur reservaat ry, wat almal min of meer tussen 10 - 50 km weg was, dit was veilig, die rit is prentjiemooi."
"Ek hou daarvan om Namakwaland te besoek gedurende die laat wintermaande wanneer daar blomme is en die veld nog groen is. Wat my egter bekommer is die onleesbare/afwesige padtekens weg vanaf die N7 en die skending van ons Nasionale gedenkwaardighede. Met 'n besoek aan Orbicule rotsformasie by Concordia was die gedenkplaat en beskrywingsbord gesteel, stukke van die monument is ook gesteel en rommel lê oral rond. Langs Okiep se hotel is daar oorblyfsels van die ou kopermyn se verwerkingsaanleg waarvan die gedenkplaat en beskrywingsbord gesteel is. Verder is van die grondpaaie in 'n redelike slegte toestand."
"Wat 'n spesiale deel van ons land, vriendelike mense, interessante en besondere natuurskoon."
"Die dorp het skynbaar sy eie politieke en bestuursprobleme, maar die skoon strate, ten spyte van slaggate in sommige, was opmerklik. "
"Lieflike berge om te klim en vriendelike mense. As jy wil weg breek van die gewoel van die stad is Springbok jou plek!"
"Die Tauren is 'n restaurant wat 'n besoek werd is met heerlike goed voorbereide disse en topklas diens. Ons het ook die Springbok Inn besoek, maar behalwe dat dit baie mooi is nie getoets om dit te bepunt nie. 'n Baie woelige dorp veral oor 'n naweek."
"Die mense is vriendelik en behulpsaam. Besoek gerus die koffiewinkel. Jy kry meer as net kliëntediens daar."