Geverifieerde Resensie
Northern Cape
Al die resensies is deur LekkeSlaap-gaste geskryf wat in Northern Cape bespreek het
Hierdie plek het 'n gemiddeld van 4 uit 5 gekry volgens 7918 resensies.
"Pragtige dorpie, skoon. Ons het sommer van die gastehuis na die restaurant gestap om te gaan eet. Baie veilig gevoel. 'n Regte stukkie "Kaap" - baie vriendelike mense."
"Hulle moet net 'n paar aktiwiteite kry. Daar is bitter min doen-dinge. 'n Boot trip om kreef te gaan vang, of staproetes. Kanovaarttogte. Enige iets om te doen. Dagtoere by die visfabriek."
"Indien jy een is vir die outydse, geskiedkundige plekkies kan jy gerus stop by Colesberg. Maak net seker die "oudergewone" speedcop wat dit sy lewe maak verras jou nie met 'n spoedoortreding nie, regte aasvoël. Straatkinders val mens lastig by Engen Garage. Verder kan jy gerus 'n paar dae daar deurbring."
"Dorpie het erg agteruit gegaan en restaurantjies is erg onbetroubaar met tye wanneer hul oop of toe is, wat dit nogal moeilik maak as jy in 'n gastehuis bly. Die paaie is 'n gemors en dwelms en drank het die lokale inwoners erg benadeel. Die plaaslike inwoners bemors die hele plek. Beveel beslis nie aan vir 'n vakansie nie."
"Calvinia is 'n mooi plattelandse dorp. Die nuutbegonne park run oor 5 km in die Akkerendam Natuurreservaat behoort 'n groot bate en aantrekkingskrag vir Calvinia te wees. Daar is weekliks deelnemers, wat van heinde en verre ry, om aan hierdie besondere park run deel te neem. Die organiseerders van hierdie park run het besondere inisiatief aan die dag gelê, wat hopelik ook deur Calvinia se inwoners ondersteun word. Dit laat die sakebedrywighede, soos verblyf, brandstof, restaurante, ens. beslis 'n hupstoot te gee. En wat is nou lekkerder as om 'n 5 km park run op 'n Saterdagoggend te voltooi? Laat my toe om 'n paar dinge te noem, wat op Calvinia gehinder het: Die museumkompleks was gesluit op Vrydag. Die besoekersburo het geskuif. Nêrens word egter aangedui dat dit nie meer in Pastoriestraat by die verkeersdepartement is nie. Die ongebruikte skoolkoshuis is in 'n vieslike toestand! In die Akkerendam Natuurreservaat is 'n man gesien wat hout gekap het."
"Just remember in this little (hot) town the pub and hotels only open at 5 pm, we were very thirsty. There is really absolutely nothing to do here, it's just a stay-over town."
"Mens is geneig om altyd die kleiner dorpies te onderskat, maar hulle is pragtig. Victoria-Wes het sy eie geskiedenis en mense moet meer net inry en gaan kyk."
"As die boekefees weer plaasvind en die restaurante/akkommodasieplekke weer kan besigheid doen is dit 'n idilliese bestemming. (Nostalgie, geskiedenis, sentiment ens.) Neem aan COVID en die ekonomie het Richmond swaar ge-affekteer."
"Die dorp is redelik baie besig oor naweke met voetgangers. Moet maar versigtig bestuur."
"Interessante klein dorpie. Het die modern art museum baie geniet. Die Vetmuis se geskenke is goed."